مصر موتورز مجتمع السيارات - تعديل الضفيرة و تركيب فوجات شبورة

سلام عليكم دية تجربتى مع تعديل ضفيرة العربية و تركيب فوجات الشبورة

نزلت التوفيقية جبت فوجات ديبو يمين و شمال ب 280 ج و كتاوت تركى بتاع اضائة 35 ج و لمبتين هالوجين 30 ج

6 متر مكرونة ب 6 ج

الضفيرة ب 30 ج سلك 6 مم و سلك 3مم و شوية فيش على غطيان على مسامير ربط قطاش و ترامل

بجنيه مسامير شك و ب 3 جنيه سلك فايبر و شوية دهان اسود

الهدف انى اركب فوجات 100 وات لكل واحد و تاخد من البطارية مباشرة عشان اعمل كده كان لازم استخدم كتاوت - معروف ان الكتاوت بيقلب من عالى لواطى و لو حملت الكشافين على فرده واحده معناها ان العالى ممكن مينورش الفوجات او الواطى مينورش الفوجات و لو حملتهم على كتاوت العربية الاساسىي يبقى انا هفرتكه بسبب الحمل

الحل كان انى اعمل كوبرى بين خرج العالى و خرج الواطى و احمل كل كشاف على فرده

و طبعا ده معناه اننا عندنا 2 كتاوت دلوقت و كل واحد فيهم ماسك فى ارضى العربية و كل واحد فيهم واخد تغذية مباشرة من البطارية

بالشكل ده هتكون التقسيمة

http://www.masr1.com/di-UHLA.jpg

دية الكشافات قبل التركيب و الضفيرة

http://www.masr1.com/di-O9M4.jpg

دية و الحمد لله بعد التركيب طبعا شيلت الهوايتين و عملت هوايات بسلك الفايبر المدهون

http://www.masr1.com/di-HRTH.jpg

ملاحظات :-

الكوبرى مش هيخلى العالى يهرب للواطى و يأثر على زراع الاشارة طالما اتعمل على الخرج لأن فى حالة تفعيل العالى مفتاح الواطى بيفصل و فى حالة تفعيل الواطى مفتاح العالى بيفصل

هتحتاج شوية دعامات بقصاقيص فيبر عشان تظبط الكشافات و انت بتركب

اى لحام هتستخدمه لازم يكون ايبوكسى يتحمل فوق 90 درجة سيلزيوس

الاسلاك لو نوعها وحش هتشيط و هتبقى تجربة مرعبة مش عاوز احكيهالكم

كتاوت الاضائة عبارة عن ارضى حتة الحديد و موجب المسمار اللى بيتربط عليه الترمل و دخل العالى و دخل الواطى و خرجين عالى و خرجين واطى احنا فى حالة الفوجات هندى كوبرى بين خرج عالى لخرج واطى فى حالة الكشافات كل كشاف هياخد طرف عالى و طرف واطى

اللى محتاج مساعدة و عاوز يخوض التجربة يكلمنى و هساعده ان شاء الله

بالتوفيق للجميع و دعواتكم