مصر موتورز مجتمع السيارات - أغيثونا أغاثكم الله... مفيش حد عارف يضبط المكنه !!!

هألخص و أجيب من الآخر
عاوز المكنه متترعش عالسلانسية و فى نفس الوقت مسمار الهوا فى الكربراتير ميزيدش عن 3 لفات بالكتيير (علشان الصوت يكون هادى قدر الإمكان)
========================= ===================
و إليكم الأنباء بالتفصيل:
عندى رعشة فى المكنه من فترة عالسلانسية
رحت بيها لكل الميكانيكية إللى أعرفهم و للبشمهندس معتز (بتاع الكربراتير)
ميكانيكى عبقرى بيقولى بنزين مغشوش مياه, حاولت أقوله أنى غيرت البنزينه و نوغ البنزين و ده مصر إن كل بنزينات مصر بقت غشاشه !!!!
و الباقيين يلعبوا شويه فى الكربراتير و الكهربا و فعلاً الرجه تروح و لكن.... الصوت عالى و خشن جداً (رغم إنى ضابط التاكيهات عالكتالوج بنفس المقاس و كان الصوت مش باين).... كان أيام الزمن الجميل.
أثناء رحلة العذاب للوصول لحل تم الآتى:
فلاتر نضيفه و نضفت الكربراتير من جوه و سيرفو الفرامل مربوط و راجعت تقسيمة الكهربا و طقم الكهربا و كابلات البوجيه و جربت بموبينه أخرى و قواعد المكنه و .... ناقص أبيعها.
آخر ميكانيكى النهارده قولتلوا حاسس إن فيه تنفيس هوا مبرجل العربية بس معرفش منين, قعد يقنعنى أن الحياه زبادى فى الخلاط بالعافيه
قولتلوا طيب إعمل زى الكتالوج, بيقولك مسمار الهوا لفتين بس و إنت عاملهم 6 لفات, قالى أصل البكات مقاسها مش إستندرد و إحنا بنضبط على الحاله (كلام منطقى) بس الواقع إن العربية بقت خشنه و فيها هوا زياده و صوتها (سلام قولاً من رب رحيم)
مفيش حد بيفهم ينجز مغايا الحوار ده لأنى خلاص قفلت.
العربية لادا (للأسف)

هل من إقتراحات