سلاح الحرب الالكترونية
 

السلام عليكم
ده اول طلب يارب الاقى حد يجيبنى ان شاء الله
انا دلوقتى داخل سلاح حرب الكترونية وهترحل بكرة ان شاء الله
انا عايز اعرف ايه ظروق مركز التدريب بتاعه فيه خدمات ولا لاة وهقعد فترة قد ايه ان شاء الله
يارب محدش يبخل بالمعلومات ولو بسيطة
شكرا جزيلا

رد: سلاح الحرب الالكترونية
 

شوف هو في الغالب هيكون ترحيلك على معهد الحرب الالكترونية في منطقة الجبل الاحمر مدينة نصر مقابل مقابر الوفاء والأمل مباشرة. وهو المعهد لذيذ بس المشكلة المعتادة هي مشكلة المنطقة المركزية بوجه عام وهي كثرة التفتيش بشكل مبالغ فيه، وهتقضي فيه مدة التدريب حوالي 45 يوم او اكتر او اقل حسب احتياجات المعهد والقوة الموجودة فيه او القوة المطلوب ترحيلها منه، وهيتم توزيعك بعد كدة على اي فوج من افواج الحرب الالكترونية، ولو انت خريج لغات يبقى هتتعب شوية في دورات لغة اسمها دورات رفع المستوى ده بالنسبة للمجندين الذين يتم اختيارهم للعمل كمترجمين في مشروع النجم الساطع السنوي Bright Star وإن شاء الله تلاقي أيام الخدمة تعدي بسهولة. ربنا يوفقك

رد: سلاح الحرب الالكترونية
 

الله يكرمك على الرد
هو فعلا انا اترحلت على منطقة الجبل الاحمر معهد الحرب الالكترنية وقعدت اسبوعين وانا حاليا باجازة يعنى حوالى 3 اسابيع فترة التدريب
عايز استفسر عن حاجة لو مفيهاش ازعاج
بعد مايتم تحديد الوحدة اللى هتنقل ليها يعنى بعد ماخلص مركز التدريب المفروض انى اترحل على وحدة ان شاء الله
اذا كتبولى وحدة ما ليا هل ينفع بوساطة انى اتنقل لوحدة تانية ولا اللى اتكتب واتحدد اتحدد خلاص مفيش رجوع عنه
يعنى ينفع اتنقل من مكان للتانى حتى بعد مايتحدد ليا المكان اللى اروحله ؟
وشكرا جزيلا