مشكلة فى 307 ,,ارجو المساعدة
 

السلام عليكم ....
عندى مشكلة فى 307SW موديل 2007..بالامس السيارة كانت ماشية عادى وفصلت المحرك وبعد كدة حاولت اشغل العربية مادورتش وظهر عندى فى الشاشة ان ضغط زيت المحرك قليلENGINE OIL PRESSURE TOO LOW وبعد كدة العربية مانطقتش تانى.....
خلعت كابل البطارية وركبته تانى اشتغلت بس مجرد مافيش ثوانى وانفصل المحرك..

رد: مشكلة فى 307 ,,ارجو المساعدة
 

لازم مبدئيا تصدق الرسالة التحذيرية و تتعامل معاها بجدية لان لو دا الوضع بجد فالحمد لله ان العربية مش راضية تدور
اكشف على الاتى من الاسهل الى الاصعب
مستوى الزيت
الفلتر مغيره من كام الف كم ؟
ساعة ضغط الزيت و الفيشة و الضفيرة الخاصة بها
كشف عن صحة عمل مضخة الزيت و قيمة الضغط ( مركز صيانة متخصص )

رد: مشكلة فى 307 ,,ارجو المساعدة
 

سببين للحالة دي :
1 - كمية الزيت اللي في دايرة الزيت قليلة
2 - طرمبة الزيت !
اكشف كومبيوتر اعطال الاول في اي مكان فيه ناس فاهمة عربيات فرنساوي
وربنا سترها على الجميع

رد: مشكلة فى 307 ,,ارجو المساعدة
 

شكرا على ردودكم واهتمامكم .....
الزيت مغيره مع الفلتر ومشيت بيه 8500 كم علما بان نوع الزيت SHELL 10000.
مستوى زيت الموتور شيكت عليه ولقيته مظبوط

رد: مشكلة فى 307 ,,ارجو المساعدة
 

تأكد من ساعة الزيت ( oil pressure switch ) و الفيشة بتاعتها و الضقيرة بتاعتها لو كله تمام تشك الاول فى الفلتر غيره لو لسة المشكلة يبقى تكشف على ضغط مضخة الزيت