الحمدلله استلمت أفيو 2014
 

السلام عليكم ورحمة الله وبركاته
انا الحمدلله استلمت يوم الاثنين الماضي أفيو 2014 من معرض الابيض وده بالصدفة البحتة لان انا كنت رايح اشتري موديل 2013 وكنت عاوز اللون الاسود ومكنش موجود واستنيت عسي ان هما يجبولي اللون الاسود وفي الاخر قالولي مفيش الاسود دلوقتي قولت خلاص اخد اللون النبيتي قالولوي يومين بالظبط المهم تاني يوم الاستاذ سامح الموظف في معرض الابيض قالي بفضل الله اللون الاسود موجود وكمان موديل 2014 مش 2013 وبنفس السعر لان الاوتوماتك هو الي سعره رفع فقط اما المانيوال زي ماهو
روحت استلمت العربية يوم الاتنين بالليل اول مانزل موديل 2014 وكانت ماشية 31ك بالظبط الي هو من اكتوبر لحد المعرض في فيصل
العربية ماشاء الله عليها مريحة جدا وواسعة من جوة وثابتة علي الطريق
انا عامل بيها لحد دلوقتي 140ك بس لاني لسه مرخصها امبارح :THUMBS~220:

رد: الحمدلله استلمت أفيو 2014
 

مبروك بس لية ما شريت جت سكي افضل انا عندي عربية وجت سكي

رد: الحمدلله استلمت أفيو 2014
 

الف مبروك على العربية وربنا يكفيك شرها
بس هي افيو 2014 نفس الشكل ؟؟ ولا الشكل سونيك ؟؟

رد: الحمدلله استلمت أفيو 2014
 

وياريت تبقى تكتبلنا تقرير عن العربية وحالتها معاك ايه والثبات والذي منه .. علشان دي من اوائل العربيات اللي حاططهم قدامي عشان اجيبها ان شاء الله .. ومبروك مرة تانية :)

رد: الحمدلله استلمت أفيو 2014
 

الله يبارك فيك
بتلنسبة للعربية بقي
هي هي نفس الشكل مفيش تغير ونفس السعر الحالي لكن الاوتوماتيك هي الي سعرها ارتفع بس قد ايه مش عارف لاني مستفسرتش

العربية حتي الان ماشاء الله عليها ثابتة معايا والفرامل كويسة والار بي أم مظبوط مبيعلاش لوحده يعني تقريبا تلاشوا كل العيوب السابقة
العربية شكلها حلو وواسعة من جوة ومريحة جدا مقارنة بالفيرنا (عشان عندنا فيرنا) العربية عالية ومبتحكش في المطبات
الكاسيت اسطوانات وهو خنيق اساسا تعليمات التشغيل بيقولو 18أغنية بس انا عملت اسطوانة 20أغنية واشتغلت تمام وبعد كده عملت اسطوانتين كل واحدة حوالي 400ميجا مشتغلوش علي الكاسيت دي الحاجة السلبية الوحيدة
انا لسه حتي الان ماشي بيها 220ك والتكيف جربته وشغال كويس وبيسقع حلو بس مبشغلوش دلوقتي كتير عشان لسه مجبتش ال1000ك
دي ملاحظاتي المبدئية عليها