استشاره من خبراء الكورسا سيدان
 

لسلام عليكم يا جماعه ،،،
عندى مشكله فى الكورسا (موديل 2005) وهى .. انى كتير ابقى ماشى على الطريق السريع بسرعة 140 او 160 والعربيه تبطل وتفصل خااااالص !![IMG]http://www.**********.net/Nile/images/smilies/stink[1].gif[/IMG]
ولازم اقف واطفى التكييف وادور وامشى تانى .. علما بأن الموضوع ده تقريبا بيحصل بالنهار والجو حر .. لأنى وانا راجع من نفس الطريق بالليل ما بيحصلش حاجه خالص وبتبقى زى الفل !!
تفتكروا ايه السبب يا جماعه الله يبارك فيكوا ويحفظلكوا عربياتكوا [IMG]http://www.**********.net/Nile/images/smilies/15_2_143.gif[/IMG]

ده السؤال الاول .. السؤال التانى وهو انى عايز اعمل حاجه كده زى refresh لموتور العربيه !! فافكرت فى الفلاش اويل ،، اعمل ايه تانى معاه خلاف طقم السرفيس لأنى لسه مغيره .. بمعنى يعنى عايز اعمل فى العربيه حاجه تفوقها [IMG]http://www.**********.net/Nile/images/smilies/033102bigblink_1_prv[1].gif[/IMG]

مستنى ردودكم وافاداتكم وللجميع وااااافر التحيه والتقدير

رد: استشاره من خبراء الكورسا سيدان
 

ايه يا جماعه
27 مشاهده ومفيش رد واحد :(

رد: استشاره من خبراء الكورسا سيدان
 

شوف يا أستاذ حازم .. أنا معايا كورسا سيدان 2004 و حصل معايا نفس إللى بتحكى عليه بالضبط من شهر .. مركز الخدمة طلب تغيير البوجيهات جى إم و سعرهم 120 ج و غيرت فلتر البنزين و حطيت زيت جديد و غيرت الفلتر كمان و حسيت بفرق فى السحب للعربية .. المهم أنا إكتشفت حاجة كنت غسلت الموتور قبلها و الفيشة بتاعة حساس الشكمان كانت مفكوكة أو سايبة مش عارف من إيه؟ المهم دورت على مكانها لغاية ما ركبتها .. و بصراحة الحاجات دى أنا عملتها كلها فى يوم واحد و مش عارف العيب كان من إيه فيهم بالضبط .. بس الحمد لله المشكلة إتحلت عندى و ربنا يوفقك و طمنى عليك عملت إيه؟

رد: استشاره من خبراء الكورسا سيدان
 

ممكن تعرفنا فين مكان حساس الشكمان واذا امكن صورة كمان له

وشكرا

رد: استشاره من خبراء الكورسا سيدان
 

أنا حصل معايا نفس المشكلة ديه بليل و الصبح و لما سألت الميكانيكى بتاعى قالى إن اللى بيخلى العربية تفصل كهربه كده و هيا ماشية على سرعة هو ماتور السلانسيه قالى فى حاجتين هنفكة و نضفة و نجرب لو العربية عملت كده تانى يبقى هنتر نغيره لأنه هيكون بايظ و الحمد لله كان عايز يتنضف بس مش أكتر و الحمد لله معملتهاش تانى و ده مش هايخد منك ربع ساعة تنضيف ومصنعيته من 50 ل 60 جنية بالسبراى اللى هينضفلك بيه و هيديك باقى العلبة