سؤال عن ظبط الزوايا
 

السلام عليكم

لو حد عنده فكره بيتكلف كام ظبط الزوايا اللى بيبقي فى محطات البنزين وبيكون كويس ولا اى كلام

رد: سؤال عن ظبط الزوايا
 

السلام عليكم
متحاولش تظبط الزوايا فى البنزينات لانهم فى الغالب بيعملو شغل على الناس يقولك العجلة اليمين او الشمال مأخرة 2 سم وعاوزة زرجينة علشان يكلفك بعد ما يخوفك حاول تتعامل مع محل محترم وبصفة مستمرة كل 3 شهور تظبط الزوايا والاتزان علشان ترجع لة لو حصل شئ
عموما الظبط الزوايا من 25 الى60 جنية على حسب الشغل اللى فى العربية يعنى ممكن عربية مافيهاش غير تربيط مسامير العفشة وتبقى تمام وفية عربية محتاجة فعلا تتظبط ويطلع يجرب ويعدل لوحة الدركسيون وانحراف السيارة لما تكون ماشية ناحية اليمين او الشمال وابقى اسأل على المحل قبل ما تروح لة هل كويس ولا لا
تحياتى

رد: سؤال عن ظبط الزوايا
 

ألف شكر يا استاذ وائل
حضرتك ماتعرفش حد كويس يكون فى نطاق الدقي المهندسين الجيزة

رد: سؤال عن ظبط الزوايا
 

والله الدقى المهندسين الجيزة عموما ماعرفش حد هناك خالص انما لو رجلك راحت على مدينة نصر فى واحد فى الحى السادس بجوار اشرفكو اسمة خالد دة ممتاز جدا انا كاتب موضوع عنة للاستفادة الاعضاء منة وكاتبة تحت عنوان ( ملك ضبط الزوايا بالحى السادس ) اسفل هذة الرسالة مباشرة ادخل واعرف العنوان لو عاوز تروحلة وفية رقم تليفونة كمان وانا مصور المحل
تحياتى

رد: سؤال عن ظبط الزوايا
 

ألف ألف شكر يا استاذ وائل :)
و انا شغلي فى اول عباس العقاد هاحاول اوصله ان شاء الله