مصر موتورز مجتمع السيارات - مشكلة تعبانى فى تنك البنزين

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - مشكلة تعبانى فى تنك البنزين (https://www.masrmotors.com/vb/showthread.php?t=117728)

مشكلة تعبانى فى تنك البنزين

السلام عليكم
انا عندى عربية 128 موديل 82
لما اشترتها كان فى مشكلة فى العوامة و مشكانتش شغالة خالص
روحت لكهربائى غيرها بواحدة جديدة و المؤشر اتحرك و بقى قبل الصفر بشوية و مشيت بيها و بعدين قطعت بنزين و الؤشر متحركش من مكانه و روحت فولت و متحركش برده رجعت للكهربائى تانى حل التنك و بعدين قالى ده التنك مخبوط من عند مكان العوامة و العوامة باظت و كده و روح لميكانيكى ظبط التنك و بعدين نشوف حل للعوامة
رحت للميكانيكى حل التنك و لقاه فعلا مخبوط من مكان العوامة و قالى العوامة ممكن تشتغل بس هى دراعها اطول و بتتحشر فممكنا نعدلها او نتصرف فيها بدل ما نشترى وحده جديدة و متنفعش برده
و خدت العربية و المؤشر على الصفر و منور و التنك فيه 20 لتر
مشيت بالعربية فتره و هى زى ما هى و بعدين و انا مسافر خدت مطب لقيت المؤشر اتحرك و بقىى بعد النص يعنى العوامة فلتت من الحشرة بس لما البنزين ينقص عن النص العوامة متنزلش بعد كده خلاص حتى لو البنزين فضى خالص متنورش و لا المؤشر ييتحرك بعد النص بس لما افول يترفع تانى عادى

دلوقتى انا اعمل ايه هل ممكن التنك يتصلح و تتعالج الخبطة دى مع ان الميكانيكى قالى تصليحه بتمن واحد استيراد و لا اجيب واحد استيراد و يا ترى تمن التنك الاستيراد بالعوامة كام
و يا ريت اللى عنده حلول تانية يعرفنى لو تفضلتم

رد: مشكلة تعبانى فى تنك البنزين

بص يا باشا التانك مفهوش لعب لانه كبريت وسبب لعدم امانك انت واسرتك ,انصحك تنزل اقرب مكان ليك وتشترى تانك حسب امكانياتك

رد: مشكلة تعبانى فى تنك البنزين

أفضل حل تنك إستيراد وعوامة جديدة وموجودة
التنك فى حدود 200والعوامة 75
يسر الله امرك وحفظك الرحمن وحفظ طريقك

رد: مشكلة تعبانى فى تنك البنزين

متشكر يا جماعة
شكلها هترسى على كده مدام مفيش امل فى تصليحه

رد: مشكلة تعبانى فى تنك البنزين

السلام عليكم
اخى الكريم بعد التحية ....
يوجد موضوع انا عملته فى هذا المنتدى قم بقرائته اولا ......ثم قرر بعد ذلك وخلى بالك ان الميكانيكى والكهربائى ممكن يكونوا بيعملو شغل .....وعلى فكرة تغيير التنك مفيش فيه ايه مشكلة ان شاء الله وانا تحت امرك فى اى سوال ....