مشكله مستعجله جدا جزاكم الله خير
العربيه ياريس موديل 2008
ماشيه تمام التمام ولا فيها اي شئ وفجاه بدون مقدمات انهارده 1_لقيت لمبة الحراره ولعت نزلت فكيت غطا الردياتير الميه نطت وفارت من العربيه وفتحت القربه لقيتها مليانه علي اخرها يعني الردياتير فيه ميه طفيتها شويه كده وبعدين دورتها المهم قلت احط شوية ميا والعربيه دايره ولقيت الميه بتنط كده من الردياتير بتفور منه يعني اللمبه طفت ومشيت بيها شويه لقيتها قادت تاني يا ريت تقولولي ايه المشكله 2_لمبة البطاريه الحمرا دي الي فيها موجب وسالب كانت مولعه برده اول مره تعمل كده وبرده مطفتش علما ان البطاريه جديده الي حد ما والعين بتاعتها خضرا يا تري ايه المشكله شكرا |
رد: مشكله مستعجله جدا جزاكم الله خير
السلام عليكم راجع على السيور ممكن سير الدينامو اتقطع فطلمبة الماء مش شغاله والله المستعان |
رد: مشكله مستعجله جدا جزاكم الله خير
انا سبتها طافيه كده بتاع ساعتين
ونزلت شيكت علي الميه لاقتها مش ناقصه ومشيت بيها مفيش 10 دقايق لقيتها ولعت تاني المشكله مفيش نقص ميه خالص والقربه سليمه بس الميه فيا مولعه سخنه جدا ولمبة البطاريه مولعه برده مطفتش يا تري ممكن فيوز ضارب..والتابلوه معلق من تلميس اسلاك مثلا(( بس معتقدش) انا خايف يكون راس المكنه راح...وش السلندر قصدي ولا ايه يا ريت حد يجاوبني انا خايف الموضوع يكون كبير الصراحه |
رد: مشكله مستعجله جدا جزاكم الله خير
مروحه التبريد شغالة ولا لا - انا شاكك انها مش شغالة
|
رد: مشكله مستعجله جدا جزاكم الله خير
السلام عليكم
مش عارف اقلكم دي بشره بقي ولا دي مشكله جديده انا قاعد فجه في دماغي انزل ابص علي السير والحمد لله لقيته مقطوع وواقع تحت في حوض العربيه هل المشكله ممكن من السير فالبتالي الدينامو مش بيشحن ولمبته قادت وبرده الميه مش بتنسحب والحراره ولعت لمبتها ولا السير ملوش علاقه بالقصه دي لان لو المشكله في السير يبقي الحمد لله والشكر لله لانها تكون مشكله بسيطه مع العلم انا مشيت بتاع 10 كيلو عليها في الحاله دي هل هناك مشكله حصلت ارجوكم ردوا وطمنوني |
الساعة الآن 11:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017