سؤال بخصوص الزيت في النوبيرا 1 1997
السلام عليكم ورحمة الله عندي يا جماعة كل ماجي اغير زيت الاقي الزيت ناقص حوالي كيلو او كيلو الا ربع مش عارف ليه مع ان مفيش تسريب في الطبة والعربية مبطلعش دخنة خالص وسحب العربية زي الفل مش عارف ليه كده هل فيه تاثير لما الزيت ينقص علي المتور ولا ايه وفيه خطوات اعملها علشان اعرف الزيت بينقص من ايه علي فكرة انا بستعمل زيت شل الاحمر ال 2000 كيلو وبنزله علي ال 1000 جزاكم الله خيرا وتقبل الله صيامكم وقيامكم :Bravo: |
رد: سؤال بخصوص الزيت في النوبيرا 1 1997
السلام عليكم العربيه عامله كام كيلو ممكن يكون نسبة البخر في الزيت عاليه جرب استخدم التعاون SL والله المستعان |
رد: سؤال بخصوص الزيت في النوبيرا 1 1997
اتاكد ان مفيش نشع زيت على الماتور من بره
و برضه بعد ركنة طويلة بص تحت العربية هل فى بقع زيت ؟ بس قبل ما تركن اتاكد ان الارض مفيهاش بقعة من عربية تانية |
رد: سؤال بخصوص الزيت في النوبيرا 1 1997
شكرا للردود
العربية عاملة 120000 كيلو وانا جربت اشوف تحت العربية بعد الركنه الصبح ملقيتس اي بقعة زيت والطبة سليمة 100 100 ومفيش نشع علي الموتور بس لما افتح غطاء الموتور لما بيكون سخن بيجيب بخار خفيف جدا الميكانيكي قالي ده عادي في اي عربية في واحد صاحبي بيقولي ده كاوتش صباب هل ده صح ولا ايه مع ملاحظة ان العربية مفيهاش دخنة خالص وانا عايز اقيس كبس الموتور ايه افضل مكان بيعمل العملية ده\ وجزاكم الله خيرا |
رد: سؤال بخصوص الزيت في النوبيرا 1 1997
على وصف حضرتك الاعراض ديى متسببش نقص الزيت الكبير دا
كدا فى شك ان فى بعض الحالات النادرة المخالفة للعادة ان فى مكان ما فى جوان وش السيلندر الزيت يهرب على الميه فهل فى اى شكوك حول اختلاط مياه الرادياتير بالزيت ؟؟ !! |
الساعة الآن 07:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017