تجربة تجديد داتشيا نوفا
:12EA7A~153: اولاا الميكانيكة سقط مكنة تويوتا بالفتيس بحوالى 2000 جنية بالمصنعية وبعد كدة العفشة تويوتا برضة وبعد كدة السمكرة العربية غيرت رفرفين وكبوت وباب شمال خلفى ولمت السمكرة اللى فيها وبعد كدة الدوكو خدت وش دوكو نضيف وغيرت اللون من احمر مالبورو الى اسود ملوكى والحمد للة العربية بقت تحفة بجد وبعد كدة الكهرباء غيرت تابلوة سويفت وكراسى فيرنا و ظبطت كماليات وشبكة فيبر جلاس تنفيخ الحمد للة العربية بقت تحفة وكل دة اتكلف حوالى 8 الف بس بقت اكنك راكب مرسيدس بالظبط ولو حد عندة تجربة تجديد عربية يحطها ويقول اتكلفت كام
|
رد: تجربة تجديد داتشيا نوفا
اولا مبارك عليك التجديد والتعديل
ثانيا الصور مهمه جدا جدا ثالثا المشاكل اللي واجهتك رابعا الاسعار اللي انت فاكرها :010104~171: :010104~171: |
رد: تجربة تجديد داتشيا نوفا
مبروك التعديل
نوع مكنة تويوتا اللى 2000 جنيه دى وورقها كامل ولا لأ ؟ وفى المرور ونتا بترخص العربية حد قاللك حاجة ؟؟ واه اللى اتغير فى العفشة واضح انها كانت عربية منتهية اساسا لكن انا عاوز تفاصيل عشان واحد صاحبى معاه أختها لكن مغير مكنتين وعامل 3 عمرات ومفيش فيادة فلو ب 2000 جنيه يركب عربية تبقى عملت فيه جميل ياريت تفاصيل عن الموتور ولو عندك نمرة تلفون أخليه يكلمك |
رد: تجربة تجديد داتشيا نوفا
شكر جامد جدا لكل اعضاء مصر موتورز المحترمين وخصوصا استاز ايمن الروبى وللباشا اللى بيقول العربية منتهية لا خالص هى كانت معانا من سنة 1997 ودى بتاعة الحاج بس حبيب اظبطة صح والعربية مكنش فيها اى حاجة وعلى فكرة معدلبة من قدام لانسر ميراج فرق جامد مع شكلة ولكم تحياتى:fun_36_3_16[1]:
|
رد: تجربة تجديد داتشيا نوفا
الاسعار للباشا ايمن الروبى فتس بالمكنة 2000 ccعامل 2500 بالتركيب والظبط ورفرفين وكبوت وباب من بورسعيد بنفس لون العربية الجديد عاملين 2000جنية وبعد كدة التعديل للانسر ميراج من قدام فوانيس واكصدامات كل دة 1000 جنية والتابلوة والكراسى عاملين 1200 جنية وضفيرة الكهرباء 500 والدوكو 100 والشبكة التنفيخ 500 وكماليات وعدة صوت 1500 انا عارف انها صرفت جامد بس بقت احسن من المرسيدس وسرعة و سحب بسم اللة ماشاء اللة بس المشكلة رشت جوة بطانة لتغيير اللون هل دة ياثر على الفابريكة وتحياتى لكل اعضاء المنتدى وشكرا
|
الساعة الآن 08:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017