مساعدة فى اصلاح أكواليزر
 

السلام عليكم ورحمة الله وبركاتة

ورمضان كريم

الموضوع باختصار عندي اكواليزر جينسن مش فاكر الموديل بالظبط بس اعتقد 5005

الاكواليز كنت وصلت عليه سماعات كتير لقيتة دخن وخرجين من الـــ 4 فصلو

المهم للاسف وصلت 4 سماعات بالخرجين اللي شغالين ومرة واحدة لقيت ريحة شياط وفصل


دلوقتي الاكواليزر بيفتح باور بس خروج السماعات كلها مش شغال

ياتري ممكن يتصلح ولا ارمية احسن

رد: مساعدة فى اصلاح أكواليزر
 

دا إنتا مصمم تبوظه بقى ولا إيه إيه الإصرار دا كله.
بص ياسيدي لا يفتى ومالك في المدينة ليه ماتفكش الإكوالايزر وتوديه لأي حد بتاع صيانة إلكترونيات وهوا يقولك إيه الي المفروض يتعمل؟؟؟؟؟

رد: مساعدة فى اصلاح أكواليزر
 

هههههههه أشكرك على الرد انا فعلا فكرت اودية لواحد بس الفكرة كلها ا الاكواليزر صيني من أبو 100 جنية

وخايف اودية لواحد يصلحو ويقولي عاوز 50 او 60 جنية

بس هوة بصراحة شكلة جميل وتاتش بس ادائة عادي جدا مش حلو اوي يعني

رد: مساعدة فى اصلاح أكواليزر
 

ال5005 جميل وصوته تحفة لكن الاى سى هات بتاعت الصوت ممكن تكون اتحرقت بسبب عكس أقطاب السماعات او ضعف الجهد الداخل او لأى سبب تانى انا مش مهندس الكترونيات مع الأسف


لكن لو انا مكانك هعمل الآتى ؟؟


هجيب الكاوية والعدة واشوف اى سى هات الصوت أفكها وأجيب زيها من باب اللوق هتلاقيها رخيصة جدا
وطبعا تشوف المقاومات تقيسها والبايظ تغيره
كمان المكثفات قيسها وغير المضروب منها
طبعا متعه فى شغلها لكن احزر ان تلامس حاجة فى بعضها ف البوردة وخلى بالك ونتا شغال

المهندس رامى صفوت ممكن يفيدك اوى فى الموضوع ده
وحاول ترفع صور البوردة من جوا وصور كل جزء وهو يقوللك اه اللى تغيرة غير كدا سيبه وهات جى ام من الصينى هيبقى كويس جدا برضو وسعره مش غالى لو مش حابب المخاطرة :01FDAB~189:

رد: مساعدة فى اصلاح أكواليزر
 

أشكرك على الرد ........ هيا كدة كدة خربانة هفكو واشوف ممكن اعمل اية وعلى فكرة نسيت اقول ملاحظة ان البوردة بتاعتة من الخلف لقيت فيها سلكين واضح انه اتصلح قبل كدة واتعمل كباري على البوردة مع اني والله جايبة جديد ومتفتحش قبل كدة


عموما لو لقيت اصلاحه سهل هعملة بنفسي ولو مكنش أنا كدة او كدة كنت مركب معاة جي ام صيني وشغال بس طبعا مع وجود الاكواليزر كان صوتة معقول شوية

أشكرك على الرد وهبقي اصور البوردة وارفعا علشان تقولي رايك اصلحة ولا ارمية