|
ال Color polish و الضحك على الدقون
من حوالى اسبوعين كده رحت كارفور الصحراوى و بالصدفه لاقيت ال color polish , و كنت بدور عليه بقالى اكتر من سنه و بالذات اللون الأسود ,,,, و طبعا وقفت قدامه و اتسمرت و قلت اشوف سعره طلع ب 75 جنيه مصرى جنيه ينطح جنيه , طبعا انا ما بستخسرش فى عربيتى اى حاجه (و لو كانت مراتى طلبتهم منى كان زمانى عامل بلاوى و بقولها المصاريف و الفلوس بتروح فين و هلم جر ) المهم .... خدته من على الريون و ببص فيه لاقيت معاه كمان قلم اسود للخدوش الجامده , قلت - هــــوا ده اللى انا عايزه من زمان - المهم اشتريته و طلعت جرى خدت العربيه و روحت و قلت المع العربيه بالبولش الأسود و اعمل الخدوش بالقلم الأسود و يا فرحتى و انا ماسك البوليش و بلمع العربيه , احط البوليش و المع و الخربوش زى ما هو و حتى الحته اللى فيها الصاج الرمادى بتاع العربيه الأساسى مابيتلونش , قلت طب حط البوليش و سيبه على العربيه بتاع ساعه كده يمكن الصاج يشرب اللون و بعد الساعه المع و يطلع اللون كله فى القطنه ....... الله ؟ هو مش البوليش ده باللون علشان ازاله و اخفاء الخدوش ؟؟ قلت مش مشكله البوليش يمكن القلم الأسود ده يعمل حاجه و رحت مطلع القلم و يافرحتى يا هنايا .... قلم لون اسود من اقلام الشمع اللى الواحد كان بيرسم بيه فى المدرسه , و على فكره انا ما بهذرش لأ و كاتبنلك ان القلم الشمع الأسود ده هديه على العبوه و فيلم كبير كده و طلع كله نصب فى نصب بس البوليش ده نفع فى حاجه واحده بس انه بوظ ايديا و شلفطها باللون الأسود و طلع عينى علشان اغسلها هههههه و على فكره البوليش على ما اعتقد صناعه امريكى و طبعا القلم الشمع برده امريكى و اهو مرمى فى شنطه العربيه و ما استخدمتوش تانى و ياريتنى كنت جبت بال 75 جنيه دول وجبه ديليفرى و هيصت هههههههههه
|
رد: ال Color polish و الضحك على الدقون
شكرا على المعلومه يا شريف باشا
بس انا قولتلك اى شغل بعد كده من غير مش هاينفع انا معرزم على العربيه بتاعتك دى لازم اكون موجود تعرف البولش و الكومبوند اللى بخمسه جنيه دول متازيين و الله و بيعملوا شغل احسن من حاجات تانيه كتير و غاليه على الفاضى |
رد: ال Color polish و الضحك على الدقون
شكرا علي نقل الخبرة يا برنس ، ياريت ماركة البوليش علشان تبقي المعلومة كاملة لانب بصراحة قلما اشتري حاجة للعربية من كارفور
|
رد: ال Color polish و الضحك على الدقون
تعيش و تجيب يا باشاااا ..
مش كنت جيبت سنكوتشين و لا شويه مكسرات ... او حتى فرابتشينو اجدع .. على الاقل مبيسودوش الايدين .... عموما انا بطلت اجيب اي حاجه للعربيه ... بجيب شيكولاته و عصير للعيال ... و مش حقولك بيعملو كاااام ptmnlo123per1106 |
رد: ال Color polish و الضحك على الدقون
معلش ياباشا فداك
اسكت مش كنت هاجيبهم انا كمان ptmnlo123per1106 لولا واحد ابن حلال الله يستره وشوشنى وقالى دا فستك مابيعملشى حاجة واتخميت فيهم قبلك وفلوسى طارت فى الهوا :waving: الحمد لله ماتدبستش فيهم وعلى رأى سامح باشا جبت تلت سنكوتشات مش اتنين :10CC26~164: |
| الساعة الآن 11:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017