مصر موتورز مجتمع السيارات - سحب العربية ضعيف سكودا فانتازيا

بسم الله الرحمن الرحيم
اولا انا عضو جديد بالمنتدى و اتمنى انى استفاد منكم
ثانيا ياريت تدلونى على الصح لانى تعبت من كتر الفتى
من شهر تقريبا عملت حادثة بعربيتى هو فانتازيا 2011 ستيبترونك
المهم وديتها التوكيل و غير الكوبلن اليمين و المقص اليمين و الكاليبر اليمين و تيل الفرامل الامامى و كان فى تسريب فى زيت الفتيس فظبطه علما بانى غيرت زيت الفتيس على 60000 و عربيتى عاملة 63000
المهم بعدها رحت استلمت العربية و ماشى بيها
اول متجيب ال 70 و انت طالع كانت العربية بتعوم و بيكون فى صوت ونة فى العجلة الشمال الامامية كلمتهم تانى قالولى ده السرة عاوزة تتغير و الجنط كمان عاوز يتغير
عملت ده و رصصت و عملت زوايا التعويم راح لكن صوت الونة ده لسة موجود فقالولى ده عاوزة تغير كاوتش
مغيرتش كاوتش المهم
اليومين دول العربية 1- سحبها ضعيف
2- و انا ماشى براحة و الفتيس ينقل على الغيار التانى تسمع صوت ونة وقت الغيار
3- لما اشغل المكيف ال rpm بيكون على 800 مع انه المفروض يكون على 900
مع العلم قبل ظهور الاعراض ده بيومين و انا ماشى بالعربية علامة tcs نورت و ظهرت فى التابلوه و الموتور بقى صوته وحش اوى كان متبرجل كده و تحس كانك راكب كراكة
قفلت العربية و شغلتها تانى العلامة راحت و الصوت راح
و من بعدها ال 3 اعراض اللى فوق دول ظهروا
مش عارف اعمل ايه ولا العيب فين
التوكيل يقولى هاتهالى و نكشف عليها و ده يقولى بوجيهات و ده زيت فتيس لحد مبقتش عارف اعمل ايه
ياريت لو حد عنده علاج لمشكلتى ده يفيدنى بسررررررررعة
و اسف لكتر الكلام و شكرا