|
ممكن بالتقريب سعر طقم شنبر لموتور M10 بتاع E21
عربيتى E21 موديل 1980 اللى هى 2 باب موتور 1600 سى سى - فتيس اتوماتيك
ممكن اسعار الحاجات دى اذا أمكن ؟ وممكن الاقيهم فين ؟ طقم شنبر للموتور + 8 بلوف + طقم جوان (موتور M10B16) جلب اسكترا "حشو الاسكترا" (جديد) مفتاح انتظار ساربنتينة تكييف (جديد) ---------------- الميكانيكى بيقول المكنه خفيفه ولو غير (طقم شنبر للموتور + 8 بلوف) هتبقى كويسه ولو اتغيروا تكلفة التغير هتبقى حوالى كم وهل فعلاً هيحسنوا أداء الموتور ؟ |
رد: ممكن بالتقريب سعر طقم شنبر لموتور M10 بتاع E21
نصيحه: متسمعش كلام الميكانيكيه و إتأكد من كل حاجه بنفسك
المكنه لما بتكون خفيفه و محتاجه طقم شنبر بيكون ليها علامات : 1- سحب ضعيف ( و ده ممكن يكون بسبب كذا حاجه مش لازم الشنبر) 2- دخان عادم أبيض 3- العربيه تاكل زيت (يعنى كل شويه محتاج تزود زيت لأنه بينقص) 4- سن البوجيهات هتلاقيه مزيت (عليه زيت) لو عندك الأدله دى يبقى كده فعلاً شنبر و بالتالى محتاج 3 حاجات مع بعض 1- ميكانيكى شاطر و يكون عمل عمرات كثير قبل كده لنفس نوع الموتور 2- قطع غيار نضيفه (أفضل نوع شنبر البرازيلى و بيكون عليه ختم صغير عالمعدن بتاعه زى ختم الذهب) 3- فترة تليين كويسه و متستعجلش و تجرى بالعربيه, و تتابع الحراره (محتاجه صبر شويه) للأسف معرفش أسعار طلبات حضرتك بس المهم الجوده مش السعر |
رد: ممكن بالتقريب سعر طقم شنبر لموتور M10 بتاع E21
إذا كانت الاعراض التى ذكرتها فى مشاركتك اخى الكريم والتى قام بالتأكيد عليها العضو الكريم zingo عليك وهذة نصيحة لوجه الله
1.اما ان تتوجه إلى العضو الكريم معنا فى المنتدى حمدى مخترع المنيوال بدون دبرياج وتعرض عليه السيارة وتنتظر رأيه 2.ان تشترى موتور إستيراد ويقفض بإجمالى التكاليف ان يكون من موديل اعلى وسوف تسعد بالنتيجة إن شاء الله يسر الله لك امرك واعانك |
| الساعة الآن 02:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017