|
مشكلة غريبة عندى وعايز رايكم ...؟
بسم الله الرحمن الرحيم العربية فيرنا 2007 لسة مغيرلها زيت وفلتر وغيرتلها فلتر هوا وفلتر بنزين كانت صيانة شاملة من حوالى شهر امبارح كان التنك فاضى فمونت من بنزينة فى السويس المهم الراجل حطلى نصف التانك وبحجة انى غيرى ياخد..فبقى العداد فوق النصف بقليل البنزين نوعة 92 كنت مسافر اليوم دا للقاهرة وانا متعود انى من السويس للقاهرة بياخد ثلث الناتك رحت على الطريق مفيش نصف ساعة حوالى 70 كيلو الاقى التنك فاضلة ربعة بس ويدوب ما وصلت القاهرة لقيت الناتك فضى بصيت فى العداد لقيتة 141 كيلو طبعا ضربت لخمة وقلت على اى بنزينة بسرعة ورحت ممون بعد عذاب من كالتكس وفولت التانك وركنت خلصت مشوارى ورجعت للعربية وطلعت على الطريق... الغريب بقى انى الطريق وانا راجع اخد المعدل الطبيعى اللى هو ثلث التانك تقريبا بالرغم انى كنت حارق اكثر وانا راجع ممكن اعرف اية المشكلة هل كان فى عيب فى العربية واتحل وانا راجع هل فى مشكلة فى منظومة ضخ البنزين الطرمبة مثلا على الرغم انى لسة عامل صيانة ...؟ |
رد: مشكلة غريبة عندى وعايز رايكم ...؟
لاء ولا حاجة هو البنزين كان مغشوش والحمد لله انه مأثرش على حاجة فى العربية
|
رد: مشكلة غريبة عندى وعايز رايكم ...؟
السلام عليكم اكيد كان عداد البنزينه بيقرأ خطأ وكان في عملية خش والله المستعان |
رد: مشكلة غريبة عندى وعايز رايكم ...؟
اقتباس:
اقتباس:
طيب يا جماعة عايزين نعمل حل فى مشكلة البنزين دى لية الغش فى التجارة اصبح بالطريقة دى انا سالت واحد عندى فى الشركة انهاردة بيقولى اصلة ممكن يحطوا مية فى البنزين ويخلطوة طب لية انا بدفع سعر اللتر اللى هو بيطلبة يدينى حاجة بيظة لية وممكن كمان تبوظ العربية الغريب انى الغش فى البنزين ظهر الفترة اللى فاتت بس من حوالى سنة كدة اما زمان مكنش فى بالصورة دى يارب عينا على اللى احنا فية والحمد لله على كل شئ |
رد: مشكلة غريبة عندى وعايز رايكم ...؟
حسبى الله ونعم الوكيل وكفى بها عن العالمين
الحمدلله على سلامتك وسلامه السيارة |
| الساعة الآن 06:10 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017