عايز مركز خدمة قريب من الهرم
 

السلام عليكم
حد يعرف مكان مركز خدمة كيا يكون فيه كمبيوتر عشان يعملى ريسيت للعربيه عشان لمبة الايرباج معلقه بقالها كام يوم يا ريت لو حد يعرف دلوقتى

رد: عايز مركز خدمة قريب من الهرم
 

رد: عايز مركز خدمة قريب من الهرم
 

مع انى زعلان من الناس عشان محدش رد على لكن واجبى نحو المنتدى انى اوضح تجربتى عت الموضوع ده عشان اعضاء المنتدى يستفيدوا

اولا : ربنا وفقى وتوصلت لواحد سبحان الله طلع بينه وبين بيتى 200 متر مش اكتر مع انى فضلت 3 ايام بدور على حد
الراجل ده عنده ورشة ورا فندق اوروبا اللى فى الهرم اسمه مهاد طلع عنده اجهزة كشف كمبيوتر لكل العربيات اللى فى الدنيا رحلته ب 30 جنيه حللى المشكله فى دقيقه والحمد لله بس ده انا توصلتله بعد دوخه كبيره لان الجهاز بتاع السيراتو مش موجود عند ناس كتير جدا

ثانيا : احب اوضح حاجه بالنسبه لمركز حورس للصيانه اللى فى الزمالك بالنسبه ببلاخوه ملاك هيونداى لانه تخصص هيونداى بس بيقبل عريبات كيا برده
المركز ده عكاكين عكاكين عكاكين
تجربته معاهم تتمثل فى الاتى
رحتلهم وسالتهم عندكم جهاز كشف الكمبيوتر بتاع الكيا عشان اعمل ريستارد لان لمبة الايرباج منوره قالولى اه موجود
قلتلهم طب عايز اعمل ريستارت لكمبيوتر العربيه
قلولى حاضر دخلوها جابو الجهاز عملوا ريستارت جربنا اللمبه لسه منوره
المهندس قالى يبقى كده فى ميه دخلت جوه التاره ونضطر نفتح التاره عشان ننظفها قلتله اوك
جاب عامل فك يجى عشر مسامير والتاره لسه مش عايزه تتفك
المهندس نادى عامل تانى العامل لمه جه قال العامل الاولانى انت فكيت المسامير دى كلها ليه ده هما مسمارين ورا الكلاكس كله ده وانا واقف اتفرج
المهم العمال التانى فعلا مسمارين فى ثانبة فكهم وبدات التاره تفك فك الكلاكس وبعدين الصامولة الكبير ه اللى فى النص اللى ماسكة التارة وبعدين مسمارين تحتها فك التاره ميت حته وفضل ينظف بالهوا وبعدين ركب كل حاجه مكنها
جربنا
برده اللمبه لسه منوره
فسالت المهندس مش انت عملت ريستارت للكمبيوتر قالى لا اصل الجهاز اللى انا استخدمته ده بتاع الهيونداى فكنت فاكره بيدخل على الكيا ( مع انه قالى انه بتاع الكيا فى الاول ) قلتله انت مقولتليش كده من الاول وكنت ماسك نفسى عشان كنت ممكن احط راسه تحت العجل فى اللحظه دى
المهم مشيت من غير ما ادفع حاجه طبعا
وانا ماشى لاحظت ان التاره بقت معووجه يمين فى العيديل فقتل اكيد الراجل ركبها غلط لفيت ورجعتله وخليته فك الدنيا تانى وعدل التاره
مشيت لافيت التاره معووجه برده بس المره دى ناحيت الشمال
روحت راجع مهللهم فى الورشة ومعلى صوتى وخدوا نصيبهم من قلة ادبى على قد ما قدرت
جابولى عامل تانى عدلى التاره
وانا ماشى بجرب لافتها ظبطت تمام
الحمد لله

دى بس كانت تجربتى مع المركز العجيب العشوائى ده مع انه مركز كبير وفى حته نظيفه والمفروض انه فيه مهندسين كبار ومحترمي

رد: عايز مركز خدمة قريب من الهرم
 

الحمد لله على حل مشكلة حضرتك كنت عايز اسالك علشان ناوى اشترى عربيه كيا فيها نفس المشكله
لمبة الابر باج منوره صاحب العربيه كشف على الكمبيوتر قالوا عايزين نفك التابلوه مش عارف ليه
هل فقط عمل ريستارت نطفئ اللمبة و المشكلة تروح ؟؟؟
وايه كان السبب ان لمبة الابرباج عندك تنور اصلا

رد: عايز مركز خدمة قريب من الهرم
 

مش معني لمبه الاير باج منوره ان هيتعمل ليها ريست طبعا لا انا بعمل ريست لما تحصل حاجة غلط وانا شغال في العربية مثلا اشيل الفيوز غلط او العب في الفيش وافصلها خاي بالك للعربية تكون عمله حدثة