أستفسار عن الطنبورة و تيل الفرامل ..... هااااااااااام جداً أوى خالص
السلام عليكم
كنت غيرت تيل فرامل أمامى من يجى شهر و رغم أن إستخدامى للعربية قليل جداً خلال الشهر ده, إلا أن الفرامل بقت زى الزفت و فى الآخر لاقيت التيل بيصفر ... أيوه مضروب, ربنا ينتقم من الغشاش إللى ضربه. المهم رحت إشتريت تيل جديد و الميكانيكى و هو بيركب قرص بالمفك على الطنبورة علشان يدخل التيل و من ساعتها سامع صوت حكه الطنبوره مع التيل بس الصوت متقطع بدوران العجله تقريباً الطنبورة أتعوجت !!!! أنا لله و إنا إليه راجعون رحت للميكانيكى تانى, و هو مصّر أن التيل لسه مطبعش, و أول مهيطبع الصوت هيروح و للأسف الطنبورة لحميتها خفيفه يعنى مفيش خراطه تنفع هل أنا صح و لا الميكانيكى صح, و أنا بيتهيئلى و لا ؟؟؟؟ |
رد: أستفسار عن الطنبورة و تيل الفرامل ..... هااااااااااام جداً أوى خالص
السلام عليكم في صاجه خلف الطنبوره ممكن يكون ثناها وهو بيقرص بالمفك وبيركب التيل خلي ميكانيكي تاني يكشف عليها والله المستعان |
رد: أستفسار عن الطنبورة و تيل الفرامل ..... هااااااااااام جداً أوى خالص
رحت النهارده للميكانيكى (ثالث مرة)
و طلع جرب معايا العربيه, و الصوت أبن التييييييييييييت مظهرش قالى الصوت ده عادى على ما التيل يطبع و كان عنده عربية 127, راح رافعها و دور العجله بإيده, طلعت نفس الصوت تقريباً قالى الصوت ده طبيعى.... طبعاً مشيت بلا رجعه بس الصوت ده مكانش عندى قبل كده يا جماعه, مش فاهم إزاى طبيعى. |
رد: أستفسار عن الطنبورة و تيل الفرامل ..... هااااااااااام جداً أوى خالص
اشك انه يقدر بايده يعوج الطنبور
لو الصوت ظهر تانى لازم تكشف على صحة تركيب التيل و اخد الهوا و فعلا احتمال الصوت يروح مع التطبيع |
رد: أستفسار عن الطنبورة و تيل الفرامل ..... هااااااااااام جداً أوى خالص
الميكانيكي كلامه صح ادي لنفسك يومين ونشوف الوضع ايه
|
الساعة الآن 07:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017