مصر موتورز مجتمع السيارات - الفرامل بتقفش بعد اى مشوار !

السلام عليكم ورحمة الله وبركاتة

من كام يوم كدة واقف فى اشارة وبعمل الحركة اللى على طوول بحب اعملها اللى هى اشد الهاند واقعد اخلى العربية تتنطط كدة .
المهم مشيت شوية لاقيت الفرامل الخلفية قفشت , جبت مكانيكى حل العجلة اللى ورا وخبط عليها بشاكوش فكت
المهم امبارح حصل موقف دوست فية فرامل جامد ,من بعد كدة الفرامل قفشت , روحت ركنت وقولت اوديها بكرة الصبح لبتاع فرامل , جيت اسوقها الصبح لقيتها فكت !!!!!
روحت لبتاع فرامل رفع الاربع عجلات ولفهم بايدة بيلفوا عادى !!!!
قعد يلعب فى الدواسة كدة وقالى مكنة الاستوب كانت مربوطة جامد فكانت بتحمل على الدواسة ف الماستر يخزن ,العجل يقفش اكنك مريح رجلك كدة على الفرامل .
المهم سوقت العربية النهاردة ,جيت ف نص المشوار كدة حاسس برضو ان العربية متكتفة كدة اكنى محمل رجلى على الدواسة
دة يبقى عييب اية بقى !
يعنى الفرامل بتقفش بعد العربية ماتسخن لية !
ممكن يكون التيل الخلفى لسة بيقفش اما العربية تسخن !! ولا مالهاش دعوة