دورة مياه التبريد
 

السلام عليكم
هذه اول مشاركة لي في المنتدي
عندي سؤال
لو العربية بادرة و لا يوجد بها كوعة ثرموستات و بعد ما دورت فتحت غطاء قربة المياه هل المفروض الاقي فيه سلسال ميه مستمر جاي من الرادياتير؟
ان مش شايف الحكاية ده لكن لما اقرص ابتدي اشوفه لكن بيقطع
انا فضيت و غسلت دورة التبريد و الحال زي ما هو
قمت رحت غيرت طرمبة الميه (القديمة كانت شغاله) و غيرت كمان جوان وش السلندر مفيش تغيير برضه و المشكلة اني حاسس ان حركة الميه في دورة التبريد ليست كما يجب و ده بيخلي العربية حرارتها علي النصف او اعلي شوية اذا كنا الظهر و الطريق واقف و المروحة لا تفصل كمان لو شغلت المكيف الحرارة بتعلي جدا
حد يكون عنده فكره ليه مفيش حركة؟
الفيديو ده صورته يوضح الحالة
http://www.youtube.com/watch?feature...&v=9qn89BiWaV4

رد: دورة مياه التبريد
 

هو ااااايه نوع العربية
والحرارة بتعلي جدا لما بتشغل التكييف - لحد فين يعني
===== الله العظيم اعلي واعلم =====

رد: دورة مياه التبريد
 

انا اقدر اجاوبك على سؤال واحد اللى هو سلسال مية مستمر نازل من الريداتير الى القربة دا موجود عندى وبستمرار وموجود فى كل العربيات حتى البى ام ودا طبيعى ودا بيحصل لانى المية بتعلى فى الريداتير لما العربية تسخن فيفضى المية دى فى القربة على هيئة نقط متواصلة ..

رد: دورة مياه التبريد
 

شكرا لكما .... الحرارة بتعلي مع المكيف لحد قبل المنطقة الحمراء (حوالي ١٢٠ درجة) علي السلانسيه ... لكن لما يكون الطريق طوالي بتكون حوالي ٩٠

رد: دورة مياه التبريد
 

سلسال الميه مش علشان الميه بتعلي في الرادياتير لان مستوي القربة اعلي من مستوي الراديتير لكن نتيجة ضغط الميه بواسطة طرمبة الميه