|
تركيب تكييف ساندن لعربيه فيات 132 (ورشة الاسطي احمد المعادي)
بسم الله الرحمن الرحيم
العربيه: فيات 132 كداب 2000 (السياره 2000 بس الموتور 1600 سي سي) بداية الفكره: من صيف 2011 وانا بفكر اركبه وتم اخذ القرار وتركيبه بمشيئة الله في 5/2013 :fun_7_5_128[1]: طبعا انا خدت اراء ناس كتير اصحابي وصنايعيه وعمالقه هنا علي المنتدي زي هشام الجزار وحمدي الميكانيكي و حازم خضر وأستاذ سيد طبعا والقاضي وكلهم اصدقاء افاضل واللي ينصحني يقولي بلاش هيبقي فلوس وتعب علي الفاضي واللي يقولي ركب هتتبسط منه وطبعا كنت في حيره كبيره وخصوصا انه هيتكلف 3500ج :shwt: المهم خدت القرار وقولت لازم اخوض التجربه علشان اقطع فرط الموضوع وروحت للأسطي احمد المعادي وبص علي العربيه وقالي ينفع يركبلها تكييف ( وهنا في غلطه ):010105~332: طبعا انا بحكي اللي حصلي علشان الاعضاء يستفيدوا ويشوفوا المشاكل اللي ظهرت وازاي اتعالجت الغلطه ان اللي يقرر التكييف يركب ولا لأ الاسطي احمد والخراط اللي هيركب الكباس مش واحد فيهم بس طبعا نويت اني اركب بعد ما خدت رأي الاسطي احمد وروحتله في يوم المهم الراجل فك الكويل والتلاجه بتوع الفابريكا وكانو شغالين بس طبعا مكانش في كباس وفك الكونسوله وقصها وروحت للخراط علشان يركب الكباس وصوعقت لما الخراط قالي مش هينفع اركب كباس في عربيتك ليه يا عم الحاج وكلي آسي قالي عندك مشكلتين ان الاسبراتير بتاعك راكب في البلوك تحت عكس الالفين الاسبراتير بيكون راكب في الكامه فوق علشان الالفين بتنزل مكيفه المشكله التانيه ساعة ضغط الزيت ركبه لفوق يعني المسمارين اللي هيركب عليهم القاعده مش هنعرف نستغلهم طبعا انا عندي التابلوه كان فبريكا والكونسوله والكويل وبعد ما اتفك الكونسوله والكويل الداخلي واتقصت الكونسوله بقي مستحيل اخد قرار بعدم التركيب طبعا قولت للخراط لازم تتصرف مش هينفع ما ركبش الكباس قالي هات كامه تانيه اللي بيركب عليها الاسبراتير من فوق قولتلو انت كده هتدخلني في قصة 1000 جنيه كامه كامله بالتمساح بالاسبراتير الكتروني بمشط وليله بقي المهم بعد جدال قالي خلاص هركبهولك فوق الاسبراتير وهبعدهولك علي قد ما نقدر عن الاسبراتير وقد كان طب المشكله التانيه وهي ساعة الزيت قولتلو هجيب قاعدة فلتر الزيت بالساعه بتاعت الالفين استيراد وهركبهالك والساعه بتاعتها لتحت وبالتالي هتقدر تستغل المسمارين اللي فوق بتوع قاعدة فلتر الزيت وتركب عليهم قاعدة الكباس وقد كان خدت العربيه ونزلت الوكالة جبت قاعدة فلتر الزيت بتاعت الالفين بـ 125ج وطرت علي ميكانيكي جنبي ركبهالي وخد مصنعيه 20ج الكلام ده كان يوم جمعه وطبعا كان الخراط عاوز طنبوره دوبل بتاعت الكرنك بتاعت الالفين علشان يركب سير الدينامو وسير الكباس عليها طبعا لقيت طنبوره الدوب بتاعت الالفين بـ 300ج كلمت الخراط قالي متجبهاش وهنعمل واحده عموله يوم السبت روحت للخراط وركبلي الكباس بس خد اليوم كله علشان الشغل في عربيتي مقرف وخلصنا السبت بليل وكلمت الاسطي احمد قالي تعالالي يوم الاتنين علشان نركب التكييف روحت يوم الاتنين وبدأنا الشغل وركبنا الوحده الداخليه والسربنتينه والضفيره بتاعت التكييف وكبس الخراطيم وتركيبها وكنا خلصنا تركيب علي الساعه 5 وجت اللحظه الفارقه وهي كبس الدوره بالهواء للتأكد من عدم وجود تسريب وفوجئنا بوجود تسريب وقعدت انا والاسطي احمد واستاذ سيد ندور علي التسريب لحد الساعه 9 بليل وكلنا متوترين من التسريب ده اللي احنا مش عارفين جاي منين لحد ما اكتشفنا ان الكباس هو اللي بيسرب والسبب ان الخراط قرط عليه اوي من تحت خلاه يفتح ويسرب وطبعا كلنا كانت اعصابنا بايظه وراح الاسطي احمد فك التقريط شويه وكبس هوا لسادس مره والحمد لله التسريب منع وشحنا فريون وجربنا والحمد لله كفاءة التبريد عاليه بسم الله ما شاء الله والصور مع الاستاذ سيد هينزلها هو في مشاركته :10FEE3~1106::wave2W21:FL ASHCar:CONGRA~238: |
رد: تركيب تكييف ساندن لعربيه فيات 132 (ورشة الاسطي احمد المعادي)
تسلم إيدك موضوع رائع
|
رد: تركيب تكييف ساندن لعربيه فيات 132 (ورشة الاسطي احمد المعادي)
يا حلاوة
ما شاء الله لا يأس |
رد: تركيب تكييف ساندن لعربيه فيات 132 (ورشة الاسطي احمد المعادي)
استاذ ايمن الف مبروووك اولا على التكيف وربنا يباركلك فى السيارة والتكيف وفعلا ده يعتبر التكيف الوحيد اللى ركب على كذا يووم هههههه بس الحمد لله على كل شىء وان تم التركيب ويكفى ان حضرتك مبسوط . الصور ديه صور التكيف وهو متركب لان التكيف كان اخد كذا يوم فى تركيبه وكدا وديه الصور النهائيه http://www8.0zz0.com/2013/06/05/15/936658972.jpg http://www8.0zz0.com/2013/06/05/15/396267298.jpg http://www8.0zz0.com/2013/06/05/15/379638032.jpg http://www8.0zz0.com/2013/06/05/15/495635748.jpg http://www8.0zz0.com/2013/06/05/15/893434222.jpg http://www8.0zz0.com/2013/06/05/15/185644686.jpg http://www8.0zz0.com/2013/06/05/15/189422107.jpg http://www8.0zz0.com/2013/06/05/15/193929316.jpg وديه صورة البوب الاسطى احمد وهو بيركب التكيف فى مراحله النهائيه http://www8.0zz0.com/2013/06/05/15/444863788.jpg وديه صورة الخراطيم المستخدمه فى تركيب التكيف وزى ما هو واضح صناعة امريكى http://www8.0zz0.com/2013/06/05/15/812191808.jpg واخيرا ديه صورة التكيف بعد توصيل كل شىء وتركيب كل الوصلات النهائيه وكدا كان على التشغيل خلاص http://www8.0zz0.com/2013/06/05/15/671918102.jpg و السلام عليكم ورحمة الله وبركاته |
رد: تركيب تكييف ساندن لعربيه فيات 132 (ورشة الاسطي احمد المعادي)
مبروك الف مبرووووووووووووووووووك
يا ايمن وتستاهل كل خير وبصراحه شكل الوحده مش بطال نهائى بس اه لو فى منها بنى محروق او اسود بس الحلو برضه ميكلمش وتسلم ايديك يا سيد باشا والاسطى احمد ايديه 10/10 :01FDAB~189::fun_36_3_13[1]::01FDAB~189: |
| الساعة الآن 10:09 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017