مصر موتورز مجتمع السيارات - مشاكل السيارات وحلولها

اقتباس:

أغلب ما يعانيه أصحاب السيارات هو قساوة السيارات في المطبات وأثناء السفر (عدم الراحة)

دا طبيعي في عربيات كتيرة وتحديدا السيدان لانها غير مجهزة للمشي في الطرق السيئة وقساوة العربية مش بتظهر الا في الطرق السيئة

اقتباس:

، أيضاً جودة السيارات عموماً لم تعد جيدة كما في موديلات الثمانينات ، فبعد كل فترة نسمع عن سحب مجموعة من السيارات لإصلاح خلل فيها ، ومن خلال تجربة الناس للسيارات الجديدة يقولون أنها تنقص الزيت ، حتى قطع الغيار الجديدة (الأصلية) هناك من يقول أنها سيئة،

موضوع سحب السيارات دا طبيعي بسبب بسيط جدا ان تكنولوجيا السيارات تعقدت بطريقة كبيرة جدا ودا سلاح ذو حدين يعني التكنولوجيا الحديثة في العربيات بتوفر راحة وفخامة ومتعة لامتناهية انما العربية الفقيرة تكنولوجيا بتبقا قيادتها مملة ومتحسش بمتعة علشان كدا العربيات الالمانية بشكل عام افضل من العربيات الكورية واليابانية لان التكنولوجيا احدث ومتطورة اكثر
ومفيش قطع غيار اصلية سيئة دي اكيد مضروبة

اقتباس:

أيضاً عدم راحة مقاعد السيارات الجديدة ، فالسيارات القديمة كانت مقاعدها مريحة ،

العكس صحيح والمعلومة دي غلط 100%

اقتباس:

كذلك قلة سماكة حديد البودي من الخارج ، حتى أصبح كأنه كرتون ، فأي حادث بسيط (لا سمح الله) تنعدم السيارة تماماً ، فلابد من المطالبة بمتانة البودي ، كما كان في موديلات الثمانيات (1980 - 1989) ، كذلك بعض الشركات تصنع الصدّامات الأمامية والخلفية للسيارة من "الفايبر" ، فلابد من مطالبة الشركات بصناعة الصدّامات من الحديد السميك (المتين) ،

دا طبيعي جدا ولازم العربيات تكون كدا
هقولك ازاي
دلوقتي لو عربية قديمة تمانينات مثلا امشي بيها على سرعة 100 وادخل في عمود طبعا العربية هتطلع سليمة انما اللي راكب مش هيطلع سليم
ولو عربية زيرو موديل السنة ادخل بيها في عمود على سرعة 100 والعربية هتتخرشم لكن اللي فيها هيطلع سليم او على الاقل عنده اصابات بسيطة
وطبعا شركات السيارات تهتم بشكل اساسي بسلامة الركاب ثم سلامة الركاب ثم سلامة الركاب
والاكصدامات لازم تتعمل من الفايبر
طب ليه ؟؟؟
لانك لو عملت حادثة الاكصدام هيدمر طبعا لكن هيمتص الصدمة وهيقللها ودا المطلوب وابسط مثال ان العربيات الحديثة بتبقا فيها حاجة اسمها "منطقة الانهيار الذاتي" ودي حتة في وش العربية (تشمل الاكصدامات والشبكة والرفارف) ودي وظيفتها انها تمتص الصدمة عند حدوث حادث لا قدر الله وطبعا هتبعد الصدمة عن الكابينة تماما ولو الاكصدامات كانت حديد لما العربية تعمل حادثة هتلاقي اللي قاعدين قدام راسهم لازقة في البرابريز
وزي ما قلت لو عملت حادثة المهم انك تطلع سليم ومش مهم منظر العربية لانها هتتخرشم هتتخرشم

اقتباس:

كذلك سعة المركبة من الداخل ، أغلب السيارات الجديدة إن لم يكن جميعها من الداخل ضيّقة من الجوانب وسقفها قريب جداً من الرأس ،

العكس صحيح
يا راجل حرام عليك دا في عربيات قديمة وطويلة عريضة ومش هتعرف تحط فيها رجلك وفي عربيات حديثة ضغيرة بس واسعة من جوه وحكاية السقف دي معلومة خاطئة 10000%

اقتباس:

أيضاً الحرارة في الصيف خصوصاً نحن في السعودية وبعض الدول العربية تكون درجة الحرارة عالية وتصل في بعض الأحيان إلى 50 درجة مئوية ، ولابد من صناعة عازل حراري يكون في نفس الزجاج للسيارات التي ستصنع مستقبلاً ، والبحث عن حل لمن يمتلكون سيارات حالياً ، لأن أفضل أنواع العوازل الموجودة في السوق لاتعزل الحرارة بالشكل المطلوب ويبدو أن أنهم صانعينها على أجواء بلادهم في الخارج والتي تعتبر معتدلة بالنسبة لأجوائنا ،

دا طبيعي هوا في عازل يقدر يعزل درجة حرارة فوق ال50 بنسبة 100% ؟؟؟
وممكن تشغل التكييف بيفرق جامد على فكرة ومعظم العربيات دلوقتي فيها امكانية تبريد الكراسي والطارة

اقتباس:

هذه أبرز معاناة أصحاب السيارات ، فالحل هو عمل حملة عالمية ، لتتظافر الجهود من الجميع خصوصاً من يتقنون اللغة الإنجليزية لمراسلة شركات السيارات (وليس الوكلاء) ومطالبتهم بحل المشاكل ، بأن يجعلون جميع سياراتهم مريحة مثل الفورد كراون فيكتوريا ،

هيا فعلا لازم حكاية زي دي تتعمل وموضوع المريحة دا بيطلبها التوكيل
يعني في مصر هنا الاوكتافيا مثلا بتنزل بعفشة مجهزة للطرق السيئة لان التوكيل طالب كدا
لكن الخليجي بتنزل بعفشة رياضة غير مجهزة للطرق السيئة

اقتباس:

والإهتمام بالجودة العالية ، وتوفير قطع غيار للسيارات القديمة لأن لها عشّاقها،

حكاية الجودة دي ليها علاقة بالماركة
يعني مثلا متقارنش جودة الكيا بجودة البي ام دبليو
وحكاية قطع الغيار القديمة في بعض الشركات ـ وليس كلها ـ بتوفر خطوط لانتاج قطع غيار السيارات القديمة

اقتباس:

كذلك الأسعار مرتفعة ليس من الوكالات فقط حتى من المصانع ولابد من خفضها ، وتهديدهم بمقاطعة السيارات الجديدة ، إذا لم ينفّذوا مطالبتنا ، في هذه الحالة سيخافون من الخسائر ويلبّون متطلّباتنا ، لأن أموالنا هي من جعلتهم أثرياء

التوكيل مش بيسعر العربيات بمزاجة
في عوامل كتيرة بتأثر على الحكاية دي واولها تسعير الشركة وطبعا التوكيل بيحط هامش ربح واكيد مش هيبيع بخسارة
وثانيا خفض سعر العربية من المصانع = خفض تكاليف الانتاج (علشان المصنع مبيبعش بخسارة) = خفض جودة المنتج ( اللي حضرتك كنت بتتكلم عليها )