|
مشكلة فى دينامو إستيراد أرجو الرد السريع
أنا كان عندى مشكله فى الدينامو فى السيلكونات عربية فيات بونتو 95 كانت بايظة والدينامو مش بيشحن المهم جبت دينامو إستيراد بتاعها وركبته أمبارح وبعد ما ركب جربت الشحن بتاعه طلع 13.90 الكهربائى قالى ده شربون جرب الدينامو لو فى حاجه تانى رجعه للراجل
تمام كده نكمل الموضوع روحت بالعربية وقفلت كونتكت لئيت لمبة البطارية بتنور ثانيه وتطفى تانى فأنا مش عارف دى ممكن تكون عيب سيلكونات بردو فى الدينامو الأستيراد ولا اه بالظبط أرجوكم أفيدونى عشان لو كده أرجعو ..... وعايز أعرف لو السيلكونات فيها مشكله الدينامو ميشحنش خالص ولا ممكن يكون شحنه ضعيف؟؟؟ |
رد: مشكلة فى دينامو إستيراد أرجو الرد السريع
متشكر على الردود الكتير دى يا جماعه!!!!!!!
|
رد: مشكلة فى دينامو إستيراد أرجو الرد السريع
للأسف مليش فى الكهرباء اوى بس انا لو منك ارجعة او اخد راى كهربائى ثقة
|
رد: مشكلة فى دينامو إستيراد أرجو الرد السريع
اخى الكريم
خرج الدينامو الامثل هو 14.5 فولت فى كل الاحوال على السلانسية او فى السرعات لازم يخرج 14.5 فولت اقل من كدة شحنه هايكون ضعيف اكتر من كدة هاينشف البطارية او يتلفها انا مش عارف طالما الكهربائى اللى ركب ولقى ان الفولت الخارج اقل من الطبيعى لية مفكهوش تانى عشان ضمانك ما يروحش عليك فكة ورجعة |
رد: مشكلة فى دينامو إستيراد أرجو الرد السريع
سيدي الفاضل قيس البطارية والسيارة واقفة والمحرك لا يدور الخرج لانم يكون من 12-12.6 ثم دور الموتور وذود السرعة الي 3000 لفه في الدقيقة ثم قيس البطارية (خرج الدينامو) لو وصل الي 14 فولت يبقي سليم وبيشحن العربية ودا معناه 1- تختبر البطارية اولا 2- تختبر الدينامو - لان المشكلة ممكن تكون بطارية والله اعلي واعلم
|
| الساعة الآن 11:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017