هو طبيعي إنك تروح الصيانة بعد 200 كيلو بس ؟
 

أنا اشتريت عربية زيرو من أسبوعين بس لقيت تسرب زيت خفيف من الجنط القدام يمين و نور الستوب كان بيعلق ساعات .
كلها حاجات خطيره و الوكيل صلحها بدون أي مصاريف لكن أنا احب أعرف تجارب ناس تانية مع سيارات زي الفيرنا و دايو و سبرانزا
هل العربيات في الفئه السعرية دي مشكلها كتير و بتظهر بدري ؟
الواحد فعلا لازم يبعد عن أي حاجة تقفيل مصري و لو كانت بي ام
المنتج المصري مفيش فيه ضمير ولا جودة ولا إحساس ولا مراعاه لظروف الناس ولا وقتهم زي كل حاجة في البلد دي

رد: هو طبيعي إنك تروح الصيانة بعد 200 كيلو بس ؟
 

رد: هو طبيعي إنك تروح الصيانة بعد 200 كيلو بس ؟
 

بتحصل كتير اوى بص انا جبت فيرنا يدوب يومين اتنين والابواب كلها بتزيق جاامد جدا مع المشى وصوت ملحوظ جدا مع الفرامل قالولى ملهاش حل دا من التقفيل نفسة
سيدى الفاضل ازبل حاجة هى التقفيل المصرى ddd:

رد: هو طبيعي إنك تروح الصيانة بعد 200 كيلو بس ؟
 

متشكر لردك أنا كنت ندمان إني ما جبتش فرنا بعد ما حصل الموضوع ده
يا ريت لو حد معاه دايو لانوس ركبها و هي زيرو يقولنا عن خبرته معاها

وانا متفق معاك مليون في المية التقفيل المصري في كل حاجة لعنة لو معاك فلوس اشتري المستورد دايما
ادعم صناعة بلدي ليه لما كلها نصب و انعدام ضمير خليها تقفل و تفلس و تريحنا و السوق منافسة مش أكتر

رد: هو طبيعي إنك تروح الصيانة بعد 200 كيلو بس ؟
 

لا يا باشا متندمش الدايو جميلة جدا وثابتة عن الفيرنا فى الطريق
والله عربية حلوة وصوتها هادئ عن الفيرنا يا باشا حب عربيتك انا ياما قبلتنى مشاكل مع العربية وكل العربيات فيها مشاكل انت بس مخضوض عشان زيرو ولعلمك الزيت اللى نزل على الكاوتش ممكن يكون مساعد وزيتة ضرب ولعلم حضرتك الدايو والفيرنا يعتبروا نفس التقفيل ومعلش احنا كمصريين كسولين جدا مش هاين عليهم يكشفوا على العربية بعد التجميع ....يبقى انت اكيد فى مصر ...ويقولك اشترى المصرى :funny25: