|
هشتري اكسل ومحتاجة المساعدة
السلام عليكم
ان شاء الله انا قررت اشتري اكسل .. فكنت عيزه اعرف ايه مميزاتها وعيوبها .. وهل عيوبها ممكن تعملي مشكلة ف الطرق ولا عيوبها بسيطة وايه هي الحجات اللى اشوفها وانا بشتري العربية يعني اعرف هي كويسة ولا مش شغالة اوى ازاى وجزاكم الله كل خير |
رد: هشتري اكسل ومحتاجة المساعدة
الا اكسيل
عربيه مرغوبه فى المستعمل بشرط الحالة الجيدة ودى بتتعرف عن طريق الفحص فى مكان متخصص بنزينه او توكيل او عن طريق ميكانيكى + سمكرى |
رد: هشتري اكسل ومحتاجة المساعدة
الاكسيل عربيه عائلية ومحترمه شرط الحالة الجيده
لازم سمكرى يكون ثقة يبص على الشاسيه كويس وميكانيكي يبص على منسوب الزيت وخارج الشكمان ونفخ الزيت فى العمه وبالمره حالة الكهربا وشغل التكييف وحالة الكاوتش طبعا دول مش اساسيات بس بفلوس عليكي بعد كده ولو هتجيبها فبريكا خوارج يبقي لازم تكون سليمه مش البويه مكلحه وفيها مرمات يبقي هترشي على حسابك عشان الفحص ونقل الملكية وكمان هتدفعى سعر زياده ع الفاضي اعتقد سعرها من 30 الى 35 الف حسب الحاله وخليكي فى ال 1500 الكاملة عشان التكييف وطبعا ورق العربيه تتاكدى منه الاول وربنا يوفقك للخير وشكرا |
رد: هشتري اكسل ومحتاجة المساعدة
الاكسيل عربية ممتازة واعتمادية وموفرة فى البنزين حتى ال 1500 سى سى لكن اهم شى لايفضل ان تشترى سيارة بتوكيل . ولو مطمئنة لصاحب السيارة يبقى توكيل واحد فقط .تحياتى ادم
|
رد: هشتري اكسل ومحتاجة المساعدة
اقتباس:
ولو هتجيبها فبريكا خوارج يبقي لازم تكون سليمه مش البويه مكلحه وفيها مرمات يبقي هترشي على حسابك عشان الفحص ونقل الملكية وكمان هتدفعى سعر زياده ع الفاضي يعني ايه فبريكا خوارج ؟ معلش مش فهمة الجزء دا ممكن توضيح |
| الساعة الآن 11:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017