|
مساعده فى الكاوتش ضرورى
يا جماعه استفسار ضرورى
دلوقتى وانا رايح الكليه لقيت فرده الكاوتش على الجنط من غير اى سبب وديت الفرده عند بتاع الكاوتش لقناها جزء مقطوع بالطول نتيجه ارتكاز الجنط على الكاوتش وهو فاضى فقالى هاركب حاجه اسمها "شنبر " تقريبا - معلش معللومات فى العربيات صفر- فخفت وقلت لا اشترى كاوتش جديدة وخلاص علشان انا مسافر كمان يومين و كاوتش اهم حاجه دلوقتى بقى العربيه هى فيرنا عامله 11,800 كيلو يعنى الكاوتشات المفروض جديده فدلوقتى كلها هاتترمى و اجيب 4 جداد + واحد استبن ولا ينفع ابدل وادفع فرق السعر !! وتانى حاجه ايه احسن نوع كاوتش اجيبه و تلكفته هاتبقى فى حدود كام ومقاسه كام و علامه v او ايه ؟ معلش طولت بس معلوماتى قليله اوى فى العربيات MADDRIVE |
رد: مساعده فى الكاوتش ضرورى
السلام عليكم لو الأستبن سليم ركبه والفرده المقطوعه ركبلها شنبر وخليها استبن لأن 11 الف كيلو الكاوتش لسه جديد حرام تغيره ولو مصمم على التغيير هات فردتين فقط وركبهم في الأمام والله المستعان |
رد: مساعده فى الكاوتش ضرورى
اقتباس:
طب لوغيرت 2 برضه عادى مش هايأثر على الثبات او اى حاجه وطبعا شاكر ليك انك رديت بسرعه ومعلش تانى لو اسألتى كتير :fun_36_3_11[1]::fun_36_3_11[1]: |
رد: مساعده فى الكاوتش ضرورى
الكلام اللي قاله الباشمهندس هو عين العقل. لو هتجيب جديد ممكن تجيب تويو ياباني مقاس 175/70R13 ب 370 جنيه من حوالي 4 أيام. عجلة جميلة جدا عن تجربة.
|
رد: مساعده فى الكاوتش ضرورى
الكاوتش عمل 11 الف خسارة ترميه بتاع الكوتش هياخده منك خردة ويبيعه بسعر عالى
صلح الفردة المقطوعة وركب الإستبن التيوبلس وخلى المتصلحة فى الشنطة الكاوتش بيعمل أقل واجب 40 الف لو نوعه كويس او 5 سنين على الرف او العربية مش بتمشى عمر افتراضى او 40 الف او اكتر ايهما أقرب :fun_36_3_11[1]: :fun_36_3_11[1]: |
| الساعة الآن 02:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017