مصر موتورز مجتمع السيارات - صوت فى الفتيس !!!!!!

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - صوت فى الفتيس !!!!!! (https://www.masrmotors.com/vb/showthread.php?t=112105)

صوت فى الفتيس !!!!!!

السلام عليكم
زى ما إحنا عارفين ,الفتيس فى اللادا يعتبر صالة جيم لواحده, طبعاً مع شديد الإحترام للدركسيون إللى عامل زى حجر الرحايا, و الدبرياج إللى عامل زى متكون بتزق شيكارة أسمنت.

المهم الفتيس عندى بقاله فتره تقييل أكثر من اللادزم و الغيارات بتعلق, يعنى العصايه مش عاوزة تمشى فى المجره بتاعتها.
رحت بيها للميكانيكى, كشف عليها و بعد ما طلع من تحت العربية قاللى هنغير قواعد الفتيس, ماشى.
بعد ما غيرتها النقلات بقت أثقل و برضه بتعلق, و الجديد: بقيت سامع صوت الحديد مع كل نقله, صوت قوى و واضح جداً كأن مفيش أى ماده تليين الحركه.
قولت يمكن عاوزة زيت, الميكانيكى قاللى لأ, و أتأكدت تانى لما رحت إمبارح لبتاع الزيت و قولتلوا عاوز أزود, قاللى مش محتاجه.
طيب المشكله من إيه؟

رد: صوت فى الفتيس !!!!!!

السلام عليكم
اظبط لجلاش دواسة الدبرياج واكشف على بلية الدبرياج
والله المستعان

رد: صوت فى الفتيس !!!!!!

اقتباس:

المشاركة الأصلية كتبت بواسطة zing0 (المشاركة 873749)

ماستلا الدبرياج والزيت بتاعه والرجلاش حاول تراجع على الكلام ده كله:fun_36_1_39[1]:

رد: صوت فى الفتيس !!!!!!

يعنى الموضوع فى الدبرياج !!!
طيب هأراجع الميكانيكى فى الكلام ده و أرد عليكم إن شاء الله

جزاكم الله خيرا