عايزين نشوف أصحاب الخبرة حيحلو دي ازاي
 

اشتريت شاهين 1996 1300 سي سي موتور 131 الوش الصاج ولأني بتعلم عليها السواقة مش قادر اعرف عيوبها لأن دي أول معرفني المهم ظهرت هذه الأشياء :
1- اثناء تدوير السيارة لازم ادوس دبرياج مع استمرار دوس بنزين علشان مترعشش وبعد التسخين تقل. وانا ماشي مفيش الرعشة وديتها للميكانيكي لعب بالمفك في الكربراتير راحت الرعشة والسيارة بقة الأول والثاني سريع واستجابة جميلة لكن التالث لا يسحب فور التعشيق مهما زودت والتسارع بطئ جدا ثم تزاد بعد 10 ثواني ويبقة كويس ثم عادت منذ ايام هذه الرعشة ..... مع العلم اني اهتميت بعمل تغييرات في حاجات كثير في السيارة علشان احسن مستواها (طرمبة مياه وطنبورتين بالتيل الأمامية وعفشة كاملة بس لا اقم بأي شيئ عند الكربراتير ... ارجوكم انا حزين جدا من الحكاية دي وهل هي خطيرة مع العلم ان الموتور يقال انه خفبف
حاجة تانية --- غيرت الفلتر والزيت ووضعت 4 لتر ليهم لكن المقياس زيادة 1 سم تقريبا أو ازيد بقليل ترى ما السبب.
ارجوكم دلوني على المشكلة .

رد: عايزين نشوف أصحاب الخبرة حيحلو دي ازاي
 

كما اظن ان السيارة بتااكل بنزين لاني ذهبت من المريوطية لعابدين مرتين لاقيت نزول العداد من 1 إلى الشرطة التي تليه فهل هذا ما يساوي 10 لتر مع العلم ان الكهربائي لما غير العوامة لتشغيل العدادات لأنها كانت عطلانة خلاني افول للنهاية لكنها لم تسمع إلا في نصف قراية العداد وكأن التانك ناقص النصف وادعى ان العوامة الجديدة طويلة فثنى السيخ بتاعها لحد ما مؤشر العداد رفع للفل.

رد: عايزين نشوف أصحاب الخبرة حيحلو دي ازاي
 

رغم ان العنوان مستفذ شوية:fun_Whispering:
بس مرحبا بك بيننا
وعايز افهم فين اهتمامك بالعربية من كلامك دة
مع العلم اني اهتميت بعمل تغييرات في حاجات كثير في السيارة علشان احسن مستواها (طرمبة مياه وطنبورتين بالتيل الأمامية وعفشة كاملة
فين سيرفيس الموتورMADDRIVE
1:تغير فلتر بنزين وهواء
2:تغير بوجيهات وابلاتين وكوندنسر ومراجعة علي سلوك البوجيهات والموبينة
3:الكشف علي اسطوانة الدبرياج ومستواها الفعلي في الفصل والوصل
4:ضبط الكربرتير عند متخصص
5:مراحعة علي تقسيمة المحرك وضبط تاكيهات
6:تغير زيت للموتور والفتيس والدفرنس
الحاجات دي كلها ماكنتش حتكلفك نص الي انت صرفتة
لازم تعمل الحاجات دي الاول حتي ولو مافيش مشكلة بس علشان تمشي وانت مطمن

رد: عايزين نشوف أصحاب الخبرة حيحلو دي ازاي
 

أستاذ عمرو
لك مني كل التحية والتقدير والشكر على الرد
أولا بالنسبة للعنوان بصراحة خفت محدش يرد فحبيت الفت النظر لكنه لا يحمل اي معنى من معاني التجريح او التقليل من شأن الأخرين لأني أصلاً ليس لي ولا ربع خبراتهم .
ثانيا : انا اول مرة اشتري عربية وبالتالي معلوماتي صفر اعمل ايه ومعملش ايه
ثالثا : انا عملت على قد معلوماتي كمبتدئ
1- غيرت الطنبورتين والتيل علشان كانو متأكلين
2- غيرت سير كاتينة ودينامو
3 طرمبة مياه
4- زيت دفرانس وفتيس
5-راداتير3 ماسورة جديد ركبته
6-ركبت فلتر جديد هواء وبنزين
7-غيرت زيت الموتور اول حاجة
8- الميكانيكي بص على البوجيهات وقال لسة جديدة بس فيها لسعة صغيرة سودا
9- انا اصلا عندي مشط لازق في الاسبراتير بدل الكوندنسر وهل لو فيه حاجة بيقطع على طول واللا أداءه يقل ومقدرش الاحظه؟
10-لم اراجع على اسطوانة الدبرياج عند الميكانيكي لانه هو كان شايف ان طالما السيارة ماشية مفيش داعي لأني لسه في الأول بتعلم وهو حاسس اني عايز اغير وخلاص(مستأقللني)
11-عندي تسريب في جوان وش السلندر زيت بس الزيت للأن لم ينقص
وعلى العموم انا حعمل اللي انت قولت عليه بس موضوع الموبينه ده عند مين؟ الكهربائي واللا الميكانيكي ... وسامحني يا استاذنا على جهلي .. ومنكم نستفيد .. وياريت تتقبل شكري وتقديري ولو فيه ميكانيكي تعرفه سعادتك كويس في الجيزة او الهرم يبقى كويس لأن الميكانيكي بحس انه مش عايز يعمل حاجة يمكن خايف يفتح علي شغل .. بحسن الظن فيه

لك مني كل التقدير وبالنسبة للعنوان اكرر اعتذاري
اخوك ناصر

رد: عايزين نشوف أصحاب الخبرة حيحلو دي ازاي
 

مبروك عليك العربية ولعلمك الموتور اللى عليها شبه اللى بينزل فى ال131 لكن معروف عنه انه موفر جدا فى البنزين لو اتظبط صح
مبدئيا انت لازم تظبط الكربراتير وتشوف البيكات بتاعته وفلتر الهوا
وطالما العربية فيها إشعال اليكترونى ومشط يبقى لازم تركب البوجيهات الإليكترونى عشان المشط مايلدعش وهتلاقى كهربة العربية اتظبطت
هيتبقى بس موضوع ظبط عوامة التنك وصفر العداد واطلع بيها مشوار واحسب الإستهلاك :1281F1~121: