منسوب الزيت ولمبة الزيت
 

السلام عليكم
هل ف وقت محدد للمبة الزيت انها تختفى من بعد الدوارة .. !! عندى بتعد تقريبا 3 ثوانى او 4 ثوانى الى ان تختفى مع العلم ان منسوب الزيت طبيعى (فى منتصف العلامة)..؟ فهل فيه مشكلة ولا دة طبيعى ؟

ثانيا : انا معايا تقريبا نصف كيلو زيت .. ممكن افضى نص كيلو من العربية واحط بدالهم النص كيلو اللى معايا .. وهل فيه طريقة ثانية افضى بيها الزيت غير الفتحة اللى تحت الموتور ؟ وجزاكم الله خيرا

العربية 128 مو 79

رد: منسوب الزيت ولمبة الزيت
 

متقلقش من حاجة حسب علمي طالما منسوب الزيت كويس و اللمبة بتاعت التابلوه دي بتقولك اذا كان طرمبة الزيت شغالة ولا بايزة, اي عربية كربراتير لما تيجي تشغلها اول مرة لمبة الدينمو و الطرمبة بياخدو 2-3 ثانية عقبال مايطفو فا متخفش من حاجة نهائي عشان الموضوع دا بيحصل عندي و بتاخد من ثانية لثانيتين

رد: منسوب الزيت ولمبة الزيت
 

اخى الكريم
الوقت اللى بتستغرقة لمية الزيت عشان تطفى اقل من كدة
عارف حضرتك لو بتدور مارش بس والعربية لسة ما دارتش اللمبة بتطفى
حتى لو عربيتك 128
اعتقد ان الزيت عندك لزوجتة قلت كتير
او
فلتر الزيت مكتوم
او
ساعة الزيت نفسها تالفة
او طلمبة الزيت ضعيفة
بس عاوز اسالك
لمبة الزيت عندك احيانا بتعمل فلاشنج او بتبربش وانت بتعدى مطب مثلا ؟

رد: منسوب الزيت ولمبة الزيت
 

ما أنا علشان كده قولت اسأل حضرتكم .. عشان الوقت مكانش كده منذ مدة
وأنا أشك ف فلتر الزيت لأنو لم يتم تغييره من فترة .. ولمبة الزيت مش بتعمل فلاشنج او بترعش الحمد الله خاااااااااااااالص وانا ف مطبات او كده

بس كان فيه حاجة كده لاحظتها .. ان فيه زى رشح زيت مصحوب بلون ابيض خارج من مكان معين وهو ( فيه سلك خارج من التابلوه يشبة سلك الدبرياج واصل اللى اظن علبة الفتيس ف منتصف العربية والرشح اعلاه ) مش عارف ايه ده !!

رد: منسوب الزيت ولمبة الزيت
 

دة واير السرعة اربطة شوية بس بايدك
وبعدين دة زيت فتيس اللى مرشح مش موتور