|
تجربتى في تغيير زيت الفتيس لهيونداى اكسينت اتوماتيك
بسم الله الرحمن الرحيم البدايه مكنش عندى اى مشاكل في العربيه خالص رحت أغير زيت الفتيس بزيت امريكى اسمه APRO كان احسن من موبيل http://masrmotors.com/vb/showthread.php?t=54822 بعد يومين من التغيير العربيه بدأت تنتش علي ال 2 و ال 3 في الغيارات فضل الموضوع معايا فتره ليست بالقصيره لحد مامعدش ال3 في العربيه بتنقل من 2 ال 4 --- طبعا في ال3 العربيه بتتخنق جامد وصوت الماتور بيعلي لحد متوصل لل 4 بنشه جامده رحت اغير الزيت تانى ب موبيل وكانت المفجاه --- رايش كتير جوا كارتيره الزيت الميكانيكي قالى هنغير الزيت 3 4 مرات لحد منشوف هينضف من الرايش ولا لا وفى كل مره ننضف ونلاقي رايش تانى قالى الفتيس لازم يتغير – شوف واحد استيراد طبعا سالت الاول عن الجديد طلع ب 18 الف ياللهووووول الاستيراد سالت عليه سعره عامل مابين 2,500 ل 3,000 جنيه الحمد لله ربنا اكرمنى بتاجر امين قالى السعر غالي اليومين دول علشان سعر الدولار وانا عندي بضاعه قديمه هابيعلك بالسعر القديم المهم اتفقنا علي 2,300 جنيه والميكانيكي وجب معايا طبعا كان معايا من الصبح لف ودوران علي التجار (ببنك الاسكان ببورسعيد) واخد في الاخر 250 جنيه (هو عمل شغل العفشه والميكانيكا ) وجبت 6 لتر زيت موبيل ب 210 يعنى الموضوع كله وقف ب 2,800 جنيه والحمد لله سافرت بالعربيه ماشيه معايا كويس لحد دلوقتى السؤال بقي الميكانيكى قالى لازم كمان اسبوع تيجي نغير الزيت تانى (3 لتر بس ) وننظف الفلتر (عربيتى امريكى فمفيش فلتر جديد ليها ) علشان الزيت القديم نكون غسلنا بيه الفتيس هو بقي صح لازم اغير الزيت تانى ؟ |
رد: تجربتى في تغيير زيت الفتيس لهيونداى اكسينت اتوماتيك
كان الله فى العون
يعنى الزيت الاولانى هو السبب ؟ |
رد: تجربتى في تغيير زيت الفتيس لهيونداى اكسينت اتوماتيك
تقريبا الي حد كبيييييير
فاكر انت بدايه المشكله عندي كانت بعد مغيرت الزيت علي طول بس للاسف حاسس انى نسيت نقله الفتيس دلوقتى وحاسس ان الجديد نقلاته مش ناعمه مش عارف والله اعمل ايه هاغير زيت تانى وانظف الفلتر وربنا يسهل امرى الي الله |
رد: تجربتى في تغيير زيت الفتيس لهيونداى اكسينت اتوماتيك
يا رب خير ......................... ...........
|
رد: تجربتى في تغيير زيت الفتيس لهيونداى اكسينت اتوماتيك
اقتباس:
|
| الساعة الآن 03:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017