مشكله فى الفرامل
 

انا عندى عربية 128 كان عندى مشكله فى الفرامل لما العربيه بتمشى شويه وتسخن كان الفرامل بتققش وكانت بتمشى بالعافيه ..المهم رحت لبتاع الفرامل حل الفرامل بتاعه الاربع عجلات وغير جلب ماستر وبعدين غيرت ماستر عمومى وغيرت تيلى خلفى المهم المشكله راحت بس رجعت تانى بس لما العربيه بتمشى فتره اطول بلاقى بدال الفرامل بيرفع وبحس ان العربيه تقيله فى السحب برضو المهم الراجل قالى المشكله فى السيرفو هل السيرفو ممكن يعمل كده ؟؟؟
وبكام السيرفو الجديد؟

رد: مشكله فى الفرامل
 

انا ياما عانيت من الموضوع ده
لحد ما شلت الموضوع من دماغي
ومعنتش بروح بيها مشاوير كتيره
ومش عارف الحل لحد الان
وغيرت كل اللي قلت عليه معادا السيرفو
مش عارف بقى ممكن تكون المشكله منه ولا ايييه !!

رد: مشكله فى الفرامل
 

اعتقد ان المشكلة مش فى السيرفو
كان نفسى اعرف العجل الامامى ولا الخلفى اللى بيسخن ويقفش
ولا الاتنين الامامى والخلفى

طيب بص انا هاعتبر ان الامامى والخلفى الاتنين بيقفشو

هاتحل السيرفو من الماستر
هتلاقى صباع السيرفو اللى خارج من البدال فية صامولة رجلاش فى نهايتة
فك صامولة الرجلاش شوية بغرض تطويل مسوار الصباع يعنى البدال يبقى فى سنة بوش اكبر من الموجودة حاليا

رد: مشكله فى الفرامل
 

بجد يا باشا انت فنان لان الميكانيكي لسة عامل الحركة دي عندي وعرفهالي وقالي متلعبش فيها بنفسك لان كان عندي المشوار طويل يعني كان عندي عكس المشكلة

رد: مشكله فى الفرامل
 

العجل الامامى هو الى بيسخن والبدال بيعلى خصوصا بعد مشوار فى الزحمه وكل ما اروح لبتاع الفرامل يقولى مفيش حاجه حاجه تخنق