مصر موتورز مجتمع السيارات - وصلت طنطا ماشي داخل المنتدي

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

- - وصلت طنطا ماشي داخل المنتدي (https://www.masrmotors.com/vb/showthread.php?t=109058)

وصلت طنطا ماشي داخل المنتدي

السلام عليكم ورحمة الله وبركاته

اخوتي الاعزاء

بعد ما صليت العشا ء الليله خطرت علي بالي فكره قبل ما ادبس في عربيه 132
فقلت اشوف 323 مازدا اخبارها ايه واعمل مقارنه بينهم .

وسميت باسم الله ودخلت المنتدي برجلي اليمين . وقعدت الف وادور في المقارنات

ملقيتش اي مقارنه سابقه موجوده المهم خدتها مشي في المنتدي ادور وعملت بحث

مرة يمين ومرة شمال ومره فوق ومرة تحت وطفت بدهاليز المنتدي كلها وفضلت

ماشي ادور لحد عينيا ما اتعمت ولقيت نفسي قدام لوحه مكتوب عليها :

( مدينة طنطا ترحب بكم )

المهم لفيت ورجعت تاني بس رجعت راكب مكروباص لاني مش حقدر ارجع

المشوار دا كله ماشي تاني . والمشكله لاني حاسس ان الموضوع اكيد موجود بس

العتب علي النظر بقيت ابص من شباك العربيه وادور برضه مرة يمين ومره شمال

لحد ما وصلت البيت . فقلت ياد ياعهد مفيش حل غير انك تسأل الجماعه في المنتدي

لانهم حافظينه اكتر منك وحيدلوك علي الموضوع برابط او واحد يقولك علي المفيد في

كلمتين وانتهي الموضوع . بس انا بصراحة مكنتش عايز اتقل عليكم بكثرة الاسئلة .

ودا اللي خللاني اخبط المشوار دا كله والبركه في الشباب !!!!!!!!!!!!!!!!!!!!!!!

:cry2W9:شكر وتقدير

رد: وصلت طنطا ماشي داخل المنتدي

بص يا استاذ "عهد الله"
فى عربية نزلت النهردة الظهر على كونتاكت كار
انا شايفها انها ممتازة
عربية سيتروين ZX
موديل 97
طالب 24750
القالب بتعها عاجبنى جداااااااااااا
بص عليها وقلى رايك اية

رد: وصلت طنطا ماشي داخل المنتدي

فين دي يا استاذنا

انا في الموقع الان ومش شايف غير ستروين c6 طالب فيها 28 ونص

فيا ريت الرابط من عنك :CONGRA~238:

رد: وصلت طنطا ماشي داخل المنتدي

اقتباس:

المشاركة الأصلية كتبت بواسطة عهد الله (المشاركة 850089)

فين دي يا استاذنا

انا في الموقع الان ومش شايف غير ستروين c6 طالب فيها 28 ونص

فيا ريت الرابط من عنك :CONGRA~238:

ههههههههههه
28 ونص اية!!!!!!!!!
دة طالب 285 الف جنية
مئتان وخمسة وثمانون الف جنيها