|
مشكلة فى السيارة 128 موديل 90 ....ارجو الافادة وشكرا
السلام عليكم
المشكلة باختصار الدركسيون تقيل السيارة انا لسه شاريها من حوالى شهر ومش عارف المشكلة فين وطبعا مش خايف اقع مع عفشجى معندوش ضمير وده طبع مقارنة بسيارة فيات 128 موديل 71 ويترى ممكن انا اقوم بالاصلاح ولا......لا وشكرا مقدما شكر وتقدير |
رد: مشكلة فى السيارة 128 موديل 90 ....ارجو الافادة وشكرا
السلام عليكم
ايه اخوانى الاعذاء 32 مشاهدة ومفيش رد واحد حتى .....طب الا هيرد ليه شكولاته كبيرة وانا هوصلهالو الى البيت بس يجى يخدنى علشان انا بخاف امشى لوحدى.........ههههههه |
رد: مشكلة فى السيارة 128 موديل 90 ....ارجو الافادة وشكرا
ممكن يكون في علبه الدريكسيون فيها حاجه
او ده الطبيعي !! عموما لو انت من شبرا انا اعرف واحد بيعرف ربنا و شاطر جدا :THUMBS~220: |
رد: مشكلة فى السيارة 128 موديل 90 ....ارجو الافادة وشكرا
تقل الدركسيون فى الـ 128 اول سبب فية
ظبط الزوايا لان العجل اما بيكون فاتح لبرة الدركسيون بيكون تقيل فعلا تانى سبب ضغط الاطارات ممكن كمان لو سكاترا الدركسيون متركب لها طقم اصلاح جديد او من فترة قريبة لازم تاخد وقت عشان تطبع والدركسيون يخف معاك او ممكن يكون رجلاش الزنق بتاع سكاترا الدركسيون مربوط زيادة عن اللزوم او الطارة نفسها هى اللى تقيلة بمعنى الطارة والعامود بتعها والبلى اللى راكب ممكن جدا يكون قافش فبيخلى لف الدركسيون بصعوبة لو عاوز اسباب تانى شغال معاك اطلب انت بس |
رد: مشكلة فى السيارة 128 موديل 90 ....ارجو الافادة وشكرا
فى سبب كمان بعد إذن مستر أسترا أن الطارة اللى ركبة فى العربية تكون سبور وصغيرة جدا والكوتش اللى راكب يكون عريض فيسبب تقل للدركسيون وأحتمل تكون محتاجة غسيل وتشحيم.
أخوك محمد :THE_PR~18::THE_PR~18: |
| الساعة الآن 01:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017