استفسار بصوص العفشة والسمكرة وارجو الرد
 

بصوا يا جماعة اللى حصل كالاتى
روحت للعفشجى غيرلى 2 مساعدين يابانى استيراد قدام + طقم بيض + تيش وغير علبة دريكسيون 3 بلى + جلب كل ده قدام وكله استيراد

رحت للسمكرى ظبطلى مفصلات الكبوت علشان كانت مخلوعة وكانت فى خبطة فى الرفرف من قدام خفيفة جدا ردها والضوفر من تحت كان فيه بارومة قص ولحم ضوفر جديد وكان فى خبطة بسيطة برده فى الشنطة من ورا ردها وظبط مفصلات الابواب الاربعة علشان كانوا بيعصلجوا والقايمين بتوع الازاز كان فيهم بارومة نضف هم وذود صاج ولحمهم وفى الاخر الشاسيه من تحت عند القنطرة كان فيه شرخ فلحمه

سؤالى بقى كل واحد فيهم ياخد كام مع العلم ان العفشجى الى جاب البضاعة

وشكرا جزيلا

رد: استفسار بصوص العفشة والسمكرة وارجو الرد
 

ايه يا جماعة الصعوبة فى كده؟؟؟؟؟؟؟؟؟

رد: استفسار بصوص العفشة والسمكرة وارجو الرد
 

اصل طالما الحاجة اتغيرت يبقى اية جدوى السؤال على السعر
كان مفروض لو عاوز راينا يبقى قبل الشغل ومش بعدة وخصوصا الحاجات الاستيراد مش مسعرة وانما اجتهاد منك ومن البائع
اللى اقدر افيدك فية هى العفشة
جزو مساعدين امامى 120 جنية استيراد
طقم بيض عدد 4 لو جداد 160 جنية استيراد هايؤلك دول الالمانى طبعا واحسن من الجديد بس مثلا 100 جنية

التيش بصراحة ما ينفعش الا جديد والتلاكى منة بـ 80 جنية
طقم الجلب استحالة يركب استيراد ولازم جديد الطقم البولندى 8 جلب بـ 90 جنية
علبة الدركسيون 3 بلية مثلا 250 جنية

رد: استفسار بصوص العفشة والسمكرة وارجو الرد
 

شكرا جزيلا مستر استرا عموما هوا العفشجى اخد 550 جنيه فى كل حاجة وانا كنت عادى بس رحت لبتاع قطع غيار استيراد اجيب فرامل يد وشفت عنده مساعدين فسالتع بكام قالى الواحد 25 فى الوقت اللى انا محاسب على المساعد بـ 60 ذى محضرتك قلت فبصراحة زعلت

والسمكرى اخد 300 جنيه فى شويه الحاجات اللى انا قلت عليها والواد بتاع البوية قالى هيرش حزام مصنعية بالاوايل 300 جنيه وهيا كل العملية شوية خرابيش انا اللى مزعلنى فى الموضوع ده كله ان مش انا اللى دمرت العربية ده اخويا اللى دمرها لواحد صاحبى وانا اللى شيلت الليلة دى عشان احل المشكلة ولغاية دلوقتى صارف 2500 جنيه لذلك انا بسأل على التكلفة عشان مش عاوز اتخم ولانة قليل الخبرة فى مسألة العربيات دى
وشكرا جزيلا مرة اخرى مستر استرا

رد: استفسار بصوص العفشة والسمكرة وارجو الرد
 

بالنسبة للعفشة اوكى سعرها كده كويس جدا بس بعد كده بلاش بيض استيراد هات جديد بالنسبة للبيض احسن اما بالنسبة 300 جنيه سمكرى فى شوية الحاجات ديه انا شايفها كتير اخره 150 /170 جنيه ويبوص ايده وش وطهر بالنسبة للبويه والدوكو مش عارف الصراحة