مصر موتورز مجتمع السيارات - والنبي تساعدوني علشان معنديش اي خبره

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - والنبي تساعدوني علشان معنديش اي خبره (https://www.masrmotors.com/vb/showthread.php?t=108025)

والنبي تساعدوني علشان معنديش اي خبره

اخيرا الحمد لله هستلم اللوجان مانوال 2013 يوم الخميس فعايز نصايحكم عند الاستلام ايه اللي ابص عليه وايه اللي اتاكد منه وان شاء الله هرخص ف نفس اليوم.فاريت تقولولي اللي يقدركم عليه ربنا وتبقي خدمتوني وانا عارف انكم مشهتخذلوني

رد: والنبي تساعدوني علشان معنديش اي خبره

ربنا يباركلك فيها ويكفيك شرها

رد: والنبي تساعدوني علشان معنديش اي خبره

ربنا يباركلك فيها ويديك خيرها ويكفيك شرها ..

الحاجات اللي هتحتاج تتأكد منها ( يارب أفتكر كل حاجة ) :
الاستبن + 4 طاسات + الكوريك + القطرة + الإيريال الهوائي + الولاعة + طفاية السجاير ( كوباية ) + مفتاحين للعربية ( واحد ريموت والثاني من غير ) + حديدة صغيرة علشان تفك بيها الطاسات

وطبعاً تتأكد من كل حاجة في العربية إنها شغالة ..

العدادات ,, التكييف ,, الأنوار ( بما فيها نور الصالون ) ,, الكلاكس ,, الكاسيت ( ياريت تاخد معاك اسطوانة تجرب بيها )

وطبعاً مش محتاج أفكرك إنك لازم تشيك على الشاسيه بالكامل لو فيه أي خدوش أو أي حاجة لا قدر الله ..

بالنسبة لكتيب الضمان والراديو ,, المفروض إنك تستلمهم مع العربية ,, بس أحياناً المعرض بيقولك لا هتستلمهم من التوكيل ( أهو غلاسة كده ^_^ )

وربنا يديك خيرها ويكفيك شرها مرة تانية :)

رد: والنبي تساعدوني علشان معنديش اي خبره

زي ما Dr. Smile قال.. جرب كل مسمار في العربية و إتأكد إنه كل الأوبشنز شغاله.. و بص على الحوض و الشنطة و الشاسيه كأنك بتشتري عربية مستعملة.. و ربنا يباركلك فيها إن شاء الله :30p[1]:

رد: والنبي تساعدوني علشان معنديش اي خبره

الف مليون شكر ليك يا استاذ عمرو السيسي ود سمايل واستاذ سامح وربنا يكرمكم ع المعلومات دي وان شاء الله خير