مشكلة لمبة abs ضرورى
 

السلام عليكم
عندى سيارة كيا شوما موديل 2001 غيرت الكوبلن بتاعها بأخر ونفس الموديل زى ما قالى الجندى فى شارع دمشق وفعلا الكوبلن فية ترس والقديم كان متأكل الجديد طبعا زى الفل المهم .. اول ما غيرت الكوبلن عند الميكانيكى نورت لمبة الاية بى اس رجعت للميكانيكى قالى لما تمش على سرعة 40 هتطفى ... فعلا مشيت شوية على 40 وبعد 40 كمان واللمبة طفت ... شوية اللمبة نورت وفضلت منورة .... لا والحمد لله احيانا بقى اجى ادوس فرامل مع دبرياج خصوصا على الغيار التانى علشان اقف خصوصا فى الزحمة .. الاقى كأن حديد فى حديد تحت رجلى ومفيش فرامل :sd: خيشت مرة وتانى مرة لحقت فرامل اليد اللى احيانا تشتغل احيانا لا ...وبعدين لما اقف وادوس عالفرامل الاقيها اشتغلت ... روحت لواحد تانى قالى الحساس عايز يتنضف ونضفنا الحساس ومفيش فايدة .. واحد قالى روح التوكيل او تعالالى الغيلك الاية بى اس وريح دماغك ... طبعا انا مش عاوز الغى الاية بى اس وكمان التوكيل بيبقى حراق اى نعم مفيد بس للاسف مش هقدر اروح لانى عارف ظروف نفسى .. مشعارف اعمل اية والمشكلة دى احلها ازاى وفين ارجو اللى يعرف يقولى والاجر والثواب عند الله :w6w2005041113562663

رد: مشكلة لمبة abs ضرورى
 

فينكم يا جماعة

رد: مشكلة لمبة abs ضرورى
 

اولا عطل abs ملهوش دعوة بان العربية تقف ولا لا
دي وظيفة مضافة لعدم الانزلاق
اما انها مابتقفش دي عيب في الفرامل اصلا وطالما انت بتقول محجرة يبقي مشكلتك في السرفو
يا اما تكشف عند ميكانيكي كويس علي الفرامل
اما عن abs لازم تكشف كمبيوتر علشان تعرف الخلل في انهي عجلة او في الجهاز شخصيا

رد: مشكلة لمبة abs ضرورى
 

الفرامل مش محجرة ياباشا الفرامل احيانا مش على طول وخصوصا لما بكون عالغيار التانى وبدوس دبرياج مع فرامل على اساس اهدى سرعة العربية واجيب الاولانى الاقى كأن حديد بيحتك ببعضة او زى سيخ بيخبط فى دواسة الفرامل او احتكاك حديد فى حديد والعربية مبتقفش الا لما افضل اكارك فرامل ومرة موقفتش ولبست فى مرسيدس بس الحمد لله كنت على السلنسية طبعا دايس فرامل ع دبرياج على اساس انى كنت هقف ... شكرا لردك يابرنس واتمنى تقولى ده عيب اية ... :090104~384:

رد: مشكلة لمبة abs ضرورى
 

طيب اية اخبار تيل الفرامل
انا شايف من موضعك انك لم تكشف علية اوتغيرة