![]() |
زيت فتيس فوكاس أوتو 2006
السلام عليكم يا شباب
أي حد الله يباركلكو معاه فوكاس 2006 أوتوماتيك (أو أي فوكاس لو مش فارق الموديل في موضوع زيت الفتيس) يقوللي لو يعرف ايه زيت الفتيس اللي بتاخده العربية.. وبيعمل كام كيلو.. وأجيبه منين سألت في التوكيل وفي محلات قطع غير فورد, قالولي أسعار متخلفة, وأنا كده كده مش هروح بيها التوكيل. فعاوز أعرف زيت فتيس عام مش لازم يكون عليه علامة فورد يعني (شيل أو موبيل أو pb أو أي حاجة).. بس ينفع.. ايه ينفع وبيعمل كام كيلو آه..وهل فيه أي ملاحظات أثناء تغيير الزيت أقولها للي هيغيّر؟ الملاحظات في العربية دي كانت أكتر من اللازم في تغيير السيور. فلول فيه حاجة ياريت تقولولي. ألف شكر يا شباب |
رد: زيت فتيس فوكاس أوتو 2006
حاول تشوف الكتالوج بتاعها اون لين و شوف اللزوجه بتاعته و هات اى نوع زيت محترم
|
رد: زيت فتيس فوكاس أوتو 2006
والله كان نفسي اساعد بس معرفش للاسف ، بس معلش ولو مفهاش تتقيل عليك انا كان عاجبني الموديل ده وبفكر فيه بس كنت عايز اعرف اسعار قطع الغيار نظامها ايه وهل موجودة خارج التوكيل وهل في منها استيراد ولا لا
:140109~347::140109~347:: 140109~347: |
رد: زيت فتيس فوكاس أوتو 2006
العربية قوية. يعني مش عربية هفأ. مركبتش أي حاجة بعديها ودخلت دماغي, لا لانسر ولا كورولا ولا كارينز ولا فليوينس. بس قطع غيارها نار.. صحيح معمّرة.. بس نار, يعني لو حظك في العربية (لو استعمال) مش كويس, هتتعبك. أما لو حظّك حلو, فهترتاح جدا جدا.
قطع غيارها متوفرة برة التوكيل في كذا مكان. وفيه كذا ميكانيكي ومركز فورد وأمريكاني في مصر وفيهم كويسين. |
رد: زيت فتيس فوكاس أوتو 2006
اقتباس:
وفي رايي انها طبعا احسن من كل العربيات اللي انت ذكرتها :GROWIN~12: ملحوظة يا ريت تكتب الاستفسار بتاعك في قسم الميكانيكا او اقسام الصيانة عشان تلاقي حد يفيدك من المتخصصين لان قسم الفورد زواره مش كتير :balloons71: |
الساعة الآن 02:27 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017