افيدوني يا اهل الهوندا ... ماذا تعرف عن هوندا برليود 1988
 

بسم الله الرحمن الرحيم

مش قادر اقولكم اد ايه استفدت من الموقع ومن مشاراكات الاعضاء خصوصا اني لاقيت اجوبه لاسئلة كتيرة كنت عايز اسالها

سوالي عن الهوندا برليود

العربيه دي تعتر جاتلي ببلاش وعارف ان سوقها واقف وتايهه في السوق
لكن انا اخدتها علي 17 الف وهي لسه طالعه من التجديد راشه خوارج بس ومرشتش دواخل

هي اتوماتيك وكامله وفيها موتور هوندا لسه متسقطلها جديد قبل ما تجدد

العربيه صاحبها سابها وسافر السعودية لظرو شغل مفاجئة والعربيه مكانتش لسه خلصت تجديد .... لسه جايب قاعدة الموتور النهارده والفرامل واخده هوا ولسه هتتظبط

المهم العربيه عايزه مصرف حوالي 1000 جنيه اكسسورات وكده ... العفشة والمكيانيكا زي الفل بس العربيه مركونه من سنه تقريبا فمحتاج اغيرلها زيت وفلتر وكده ... حبت تظبيط علي الماشي

شكل العربيه زي الاكورد بالظبط كشافات قلابه

المهم يا جماعه ان العربيه دي هاخدها بالتقسيط المريح وهي حالتها كويسه بس اما صاحها سابها وسافر مكنتش كملت تجديد لكن انا اخدتها وشغال فيها بكملها

العربيه عجاني اووي ومقتنع بيها جدا رغم اني عارف بمشكلة قلة قطع الغيار وان سوقها في البيع تقريبا ميت

لو سمحتوا لو اي حد عنده معلومة عن العربيه دي ياريت يفيدني

مستني ارائكم وتعليقاتكم

رد: افيدوني يا اهل الهوندا ... ماذا تعرف عن هوندا برليود 1988
 

السلام عليكم.. المعلومات دي منقوله للأمانة بس بصراحة مافيش غيرها على النت
-------------------------------------------------------------------------------
سنة الانتاج : 1988 الى 1991

نزل بكذا محرك كلهم انجكشن و كلهم 2000 سى سى و كلهم 16 صباب
اولهم b20a و ده نزل بقوه 143 حصان
b20a1 و ده نزل 160 حصان
b20a3 و ده نزل 12 صباب و 104 حصان
b20a4 بردو 12 صباب 110 حصان
b20a5 و ده نزل 16 صباب 135 حصان
b20a6 و ده 16 صباب بردو و 142 حصان
b20a7 و ده 16 صباب و 150 حصان
b20a8 و ده 16 صباب و نزل 133 حصان
b20a9 و ده 16 صباب و نزل 140 حصان
و هنيجى بقا لشريحه ال 2100
b21a و ده 16 صباب و نزل 145 حصان
b21a1 و ده 16 صباب و نزل 140 حصان
وزن الاصدار ده كان 1060 كيلو جرام
و نزلت بحاجه اسمها 4 ws و 2 ws
ال 2ws معناها الاسكاتره بتاعت الدركسيون العجلتين اللى قدام بس اللى بيتحركوا
ال 4ws معناها يوجد 2 سكاتره واحده اماميه و اخرى خلفيه الاربع عجلات بيلفوا مع كسره الدركسيون بس بمقاسات مختلفه
و ده ليه ميزه حلوه جدااااا تاخد الغرزه و الملفات بأقل جهد للعربيه
و ده جااااااااامد جدااا فى المناوره


:Bravo::Bravo::Bravo:

رد: افيدوني يا اهل الهوندا ... ماذا تعرف عن هوندا برليود 1988
 

العربية دي من السيارات النادرة نظرا لأن هوندا نزلت بعض موديلاتها بتكنولوجيا جديده في وقتها و هي التوجيه بالأربع عجلات4 weel steering يعنى العربية كانت بتنزل ب إسكترا خلفيه
افتكر الموتور الصلي كان 2000 سي سي 2 كامة بيعمل 160 حصان و كان فيها مثبت سرعة
و كان لي شرف ركوبها سنة 1989 لما كان أحد زملائي في الكلية جايبها من قطر و أفتكر وقتها سافرنا من بورسعيد للقاهرة في ساعة و خمس دقائق و بعدين من القاهرة للسكندرية في ساعة واحدة بالظبط
عموما لو عايز تعرف معلومات عن تاريخ البريليود ممكن تشوف الربط ده

رد: افيدوني يا اهل الهوندا ... ماذا تعرف عن هوندا برليود 1988
 

http://www.va3erc.ca/Erics_wheels/pa...tout-small.jpg

http://images1.americanlisted.com/nl...s_28384795.jpg

http://www.youtube.com/watch?v=vUjJ_vtO8fk

سوقسوقسوقسوقسوقسوق

رد: افيدوني يا اهل الهوندا ... ماذا تعرف عن هوندا برليود 1988
 

في الاول احب اشكر حضرتك جدا جدا علي المعلومات القيمة دي واعتقد انها 2ws لان مشوفتش فيها اوبشن يحرك الاربع عجلات