للبشمهندس / سامح الهوارى
 

معايا رينو كليو 2003 1200 cc من شهر تقريبا غيرت فلاتر ( هولء وزيت وبنزين ) عند ورشة مشهورة جدا فى الأسكندرية وناس محترمة جدا المهم بعديها لقيت الزيت بينقط خفيف فروحت تانى للورشة فقاموا مغيريين الجوان بتاع الكوباية اللى بيركب فيها الفلتر وعدى حوالى اسبوع وكل يوم تنزل كام نقطة من الزيت المهم ان كل ماالزيت ينقص ازوده .
فروحت تانى وشاف الزيت قالى اكيد الكوباية بتاعة الفلتر مكسورة ( من غير مايرفع العربية ويبص ) فقلتلة اشمعنى اتكسرت بعد ماغيرت الفلتر يبقى اكيد اللى ركب الفلتر عمل حاجة غلط اثرت على الكوباية فقالى ان ده بيحصل عادى فى الكليو وده عمر افتراضى !!!!!!!

ياريت حد يقولى :- 1- هو الفلتر لو بايظ حينزل زيت ولا مش حينزل ( يعنى ممكن يكون الفلتر بايظ مش الكوباية )؟؟؟؟

2- اتأكد منين ان الكوباية مكسوره فعلا ؟؟ ( علما بأن الزيت اللى بينزل بيطلع من فوق يعنى من السن اللى بيركب فى العربية ومفيش زيت بينزل من جنب او اسفل الكوباية )

3- المهم انهم فى الورشة قالولى ان الكوباية بتيجى من التوكيل واحيانا مش موجودة وبحوالى 200 جنيه

بجد انا مش عارف ايه الحكاية الفلتر بايظ ولا الكوباية مكسورة وياترى الأخ الصنايعى هو السبب فى كسرها ولا عمر افتراضى وحظى الجميل !!!

رد: للبشمهندس / سامح الهوارى
 

رد: للبشمهندس / سامح الهوارى
 

روح لحمدي بيرو في الحرفيين

رد: للبشمهندس / سامح الهوارى
 

طبعاً واضح من التاريخ إن الموضوع قديم بس هحاول أفكر معاك في حل علشان الإستفاده للجميع
أولاً حاول تتابع مستوي الزيت بإستمرار علشان مش يقل ويعمل مشكله معاك
ثانياً دائماً خلي معاك بكرة تفلون من أي محل بيع سباكه البكره تقريباً تمنها 3 جنيه ومع أي مره تغيير زيت تخلي اللي بغير الزيت يلف تلات أو أربع لفات علي قلاووظ الكوب من أعلي حتي يساعد علي منع تسريب الزيت
ثالثاً لو محتاج فعلاً كوبايه ممكن تروح لحد بيغير زيت وتتأكد إن الكوبايه فعلاً فيها شرخ أو مكسوره وتفكها وتاخدها لواحد خراط شاطر وأطلب منه يعملك واحده زيها وخلي معاك حشو الفلتر والجزء اللي بيركب في النص وجربهم بعد لما يخلص وأتأكد إنهم راكبين صح في مكانهم ( ده في حالة إنها مش موجوده في التوكيل أو غاليه لإني كنت شاكك إنها مكسوره برضه بسبب واحد غيرلي زيت والزيت سرب من مكان القلاووظ اللي في الكوبايه ومن ساعتها بستعمل التفلون وبيقطع الزيت بنسبه كبيره جداً جداً )