طقم شمبر ولا تغيير موتور لكيا لبرايد
انا ان شاء الله حجيب برايد سيدان .. محتاجة طقم شمبر بس ... اغير طقم الشمبر ولا اجيب موتور جديد بتكيفوا بحاجتوا كلها
وياريت حد يقولى تكلفة طقم الشمبر بكام ... وتكلفة موتور جديد بتكيفوا حيكون كام بردوا |
رد: طقم شمبر ولا تغيير موتور لكيا لبرايد
يا باشا , حضرتك لسة هتجيب؟ طيب ما تخلى صاحبها يعمل هو طقم الشنبر و يسلمهالك سليمة
لأن الموتور مبيقولش عاوز إيه غير لما يتفتح و كلها إحتمالات بناءاً على دلائل بس برضه مش أكيده. طبعاً لو محتاجة طقم شنبر بس, يبقى طقم شنبر برازيلى أصلى (مدموغ زى الذهب) + صنايعى خبرة + تليين كويس = موتور ممتااااااااااااااااااااز إنما لو محتاجة خراطة و ..... يبقى ممكن نفكر فى موتور كامل أريح و أرخص. و ده طبعاً مش بيظهر غير لما الموتور يتفتح. و ربنا يكرم بخيرها و يبعد عنك شرها |
رد: طقم شمبر ولا تغيير موتور لكيا لبرايد
اقتباس:
وصاحب العربية قالى مفيهاش غير طقم شمبر بس وممكن اعملهولك وقالى الميكانيكى بتاعى حيعملها من غير ما يفك الموتور اصلا وحتاخدلها 3 ايام بس .... بس انا قلت اخد الحاجة اعملها على ايدى احسن وابقى عارف الحاجة من اولها لاخره مش عارف بقى هوة انا كده فى السليم ولا غلطان؟؟؟؟ |
رد: طقم شمبر ولا تغيير موتور لكيا لبرايد
بس تفكيرى راح لموتور جديد علشان حشترية بتكيفوا لان العربية مفيهاش تكييف ,قولت اعمل حاجتين فى حاجة واحدة يعنى اكون ظبت الموتور وركبت تكييف .. اعتقد كده ممكن يكون اوفر فى التكلفة من انى اعمل طقم الشنبر واركب تكييف
|
رد: طقم شمبر ولا تغيير موتور لكيا لبرايد
حضرتك ممكن تشتري تكيف من شركه كبيره برمسيس
و انا متفق مع العضو الي قالك مش هي بان يمكن اما يفتح يلاقي حاجات تانيه وعن تجربه |
الساعة الآن 01:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017