|
انا اشتريت 132 2000 كداب موديل 80 وعايز رائيكم لانا عايزه شوية حاجات يارب تردو عليه يا وحوش
انا خلاص اشتريت 132 موديل 80 وماتور 1600 اللى اسمها 2000 كداب فيها بنزين وغاز خالص وحالتها كويسه انا اشتريتها ب 14500 بس عايزه شوية توضيب نضافه بس يعنى شبكة فانوس امامى والابواب عايزه شوية تظبيط والتطبلوه حالته 65 فى الميه المكنه المكانيكى قالى انها تمام والكرونه تمام وركبلها جنوط تقريبا 15 لانها كبيره وفيه واحد بيعمل صوت مع الرفر المهم ممكن تقولولى اعمل ايه كده كبداية ليها لانها كانت مع واحد مش مهتم بيها خالص من الداخل بس انا مش بحب امشى وفيه زرار حتى مش شغال يعنى انا ظبط المكنه لانها كانت متلته وكده خلاص المكنه تمام بس بكره هغير زيت واكشف على زيت الفتيس والكارونه وكمان طرمبة الميه خشنه شويه وبتعمل صوت هغيرها المهم انا عايز منكم نصايحكم الغاليه ليه لان العربيه عجبتنى وعايز اروشها شويه من جوه بس امكانياتى 1500 بس حاليا ممكن اعمل ايه
|
رد: انا اشتريت 132 2000 كداب موديل 80 وعايز رائيكم لانا عايزه شوية حاجات يارب تردو عليه يا وحوش
عزيزى الف مبارك وربنا يكفيك شراها يارب احب اقولك ان انا معا سيارة فيات 132 موديل 79 2000 سى سى والعربية بصراحة اختها غالية شوية بس علشان انا بعشق العربية دة من زمان وبصراحة هى عربية جميلة بس لما تكون بحالة كويسة انا صرفت عليها كتير جدا وانصحك قبل ما تركبها وتستعملها تكشف عليها كويس قوى لان هيطلعلك كل شوية حاجة جديدة
|
رد: انا اشتريت 132 2000 كداب موديل 80 وعايز رائيكم لانا عايزه شوية حاجات يارب تردو عليه يا وحوش
ياباشا الف مبروك وربنا يكفيك شرها بس هيه العربيه كويسه بس تصونها تصونك انا كانت معايا العربيه دي كنت مطلع عنيها بصراحه سفر كل شويه ومكنتش بهتم بيها ومع ذلك كانت اصيله بص انت تصرف ع العربيه بس مش اوي برضه لانك اول ما تقول يا بيع مش هتجبلك الللى انت صرفته ف انا من رأي تعمل انك تعمل الحاجات اللى انت شايف انها مهمه يعنى تظبط الميكانيكا والعفشه والكهربا والشكل سيبك منه .. وربنا يوفقك |
رد: انا اشتريت 132 2000 كداب موديل 80 وعايز رائيكم لانا عايزه شوية حاجات يارب تردو عليه يا وحوش
ألف مبروك و يارب يغنمك خيرها ويكفيك شرها
|
| الساعة الآن 09:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017