محتاج مساعدتكم نويت اشترى عربية ومعايا مقدم 52000
 

السلام عليكم ورحمة الله وبركاته

انا ان شاء الله نويت اشترى عربية ومعايا مقدم 52000

أمامى اختيارين : 1- اقسط جديد : وهنا انا احترت تماااااااما وخاصة من بعد زيادة اسعار العربيات بشكل مجنون بعد موضوع الدولار ده وامبارح كنت فى معرض فورميلا الاهرام واسعار العربيات هبللللللللللللللللل

المهم فى هذا الاختيار لاقيت ان عدد السيارات المتاحة جديدة واعرف اقسطها هى بالترتيب من وجهة نظرى والترتيب ده من وجهة نظرى الاقوى للاضعف :

أ- اسبيرانزا M12 :
عربية فخمة جدا وشكلها تحفة بس خايف جدااااااااااااا من الصينى و صيانته وخدمة ابو الفتوح فيما بعد البيع وكمان سعر اعادة البيع ده غير انى لاحظت ان ابو الفتوح سحب كل موديلات اسبيرانزا من المعارض عشان هينزل موديلات جديدة من ال 516 والتيجو

ب- جيلى ايميجراند 7 :
ركبتها امبارح فى المعرض بجد تحس انك راكب مرسيدس بس تخوف برده لانها صينى وكمان لسه منتشرتش خالص

ج-FRV Cross :
عربية حلوة بس 1500 سى سى فقط وكمان اسمع ان قطع غيارها نااااااااار
د- الفيرنا :
برغم انها عملية ومنتشرة زى النمل فى مصر الا انى شايف انها عربية اغلى من الصينى ولا تحتوى على ربع الاوبشنز اللى فى صينى وان كانت افضل فى سعر اعادة البيع

ه- اللوجان :
مش مقتنع بيها نهاااااااائى ده غير انها غليت وبقت ب 82000 هتجنننننننننن

ن- الانوس :
بطيخة ملهاش اى تلتين لازمة

ك- BYD : عربية حلوة اوى بس شكلها مش عاجبنى وده اللى مانعنى منها عشان كدة مقدم الاسبيرانزا M12 عليها فى الترتيب

---------------------------------------------------- دى الاختيارات فى حالة لو هقسط زيرو

اما لو هاقسط مستعمل فدى برده مشكلة لانى ناوى اقسط تبع كونتاكت كارز وهما حاطين كمية شروط فى العربية المستعملة اللى يرضوا يقسطوها تعجيزية يعنى ان يكون عددادها مش اقل من 60000 مثلا ومتكونش اكتر من 3 سنين من تاريخ الصنع وهكذااا فصعب جدا انك تظبطلهم حاجة تفصيل عشان تعرف تقسط مستعمل معاهم وللاسف مفيش حد تانى بيقسط مستعمل غير كونتاكت

انا شايف ان الحاجة الوحيدة اللى ممكن اقسطها مستعمل هى الصنى



النتيجة : اقسط زيرو ولا مستعمل ؟

speranza M12 جديدة ولا Sunny used ده لو لاقيتها بالحالة اللى كونتاكت قال عليها ؟

من الاخر انا طولت عليكم بس انا فعلا فحيرة شديدة جداااااااا وعملت صلاة استخارة كذا مرة ودماغى عمالة تميل هنا شوية وهنا شوية


الصينى ناس تقولى ممتاز وناس تخوفنى والاتنين من ملاك الصينى

وفنفس الوقت ناس تقولى الزيرو زيرو مهما كان

انا بجد تعبت ونفسى حد يجبلى من الاخر

مستنى اقتراحاتكم ومناقشتكم معايا عشان اكيد فى كتيييييييييير اوى فى موقفى ده

رد: محتاج مساعدتكم رجااااااااااااااااااااااا ااااااااااااااءا
 

انا رايى انك تبعد عن التقسيط يعنى انا عن نفسى مش بفضله ومش شايف فيه اى ميزة غير نزيف الفلوس
وبعدين 52 الف ممكن يجيبولك عربية كويسة جدا استعمال ممكن كريستالة او تويوتا كورولا تسعينات او فيتارا او شوروكى او لانوس او فيرنا او صنى اوائل الفينات يعنى اللى اقصده ان المبلغ كافى انك تركب حاجة كويسة من غبر مايبقى عليك ديون وتفضل قلقان لحد ما تخلص الاقاط وممكن على ما الاقساط تخلص تحب تغير العربية هتسيب فيها طبعا الفايدة غير فرق القيمة فى السوق

رد: محتاج مساعدتكم رجااااااااااااااااااااااا ااااااااااااااءا
 

طب ايه رايكم يا جماعة فى البريليانس FSV ?????????????


بغض النظر عن انها بقت ب 85000 لحلوووووووووووووووووووووو وووووووح :k_crying77[1]:


اشكرى يا انشرااااااااااااااااااااا ااااااااااااااااح

رد: محتاج مساعدتكم رجااااااااااااااااااااااا ااااااااااااااءا
 

بقولك ايه يا باشا انت ممكن تزودهم 55000 وتجيب لانسر مكوة ممستعملة او تزود شوية كمان وتجيب بومة
وفكك من القسط وجع قلب ونزيف فلوس

رد: محتاج مساعدتكم نويت اشترى عربية ومعايا مقدم 52000
 

والله انا لو منك اجيب مستعمل كاش بالفلوس اللى معايا واوفر فلوس القسط بعد كده ابقى بيع واشترى حاجة اعلى هتلاقى نفسك وفرت فائدة القسط ومصاريف العربيه وهى زيرو والخسارة فى اعادة بيعها ومصاريف التأمين والبنك ده غير غم وفقر القسط