عملت حادثه وحسبى الله ونعم الوكيل
 

السلام عليكم ورحمة الله وبركاتة

عملت حادثه من ساعتين بالظبط وحسبى الله ونعم الوكيل

انا لسه شارى العربيه من اسبوعين وكنت حاسس ان الفرامل فيها حاجه بس كانت بتمسك عادى

المهم النهارده وانا ماشى على طريق البحر وتقريبآ سرعتى كانت 60 والطريق كان يستاهل اكتر

المهم كان فى عربية قدامى هدت مره واحده جامد واخدت غورزه من مكروباص وبقيت انا والمكروباص بس
وحاولت ادوس على الفرامل لحد اخرها الفرامل ما جمعتش والعربيه اتزحلقت وحاولت اناور المكروباص بس العربيه ما رحتش يمين ولا شمال ودخلت فى المكروباص والمكروباص ما اتخدش يا جدعان

قدر الله وما شاء فعل
الكبوت اطبق شويه الاكصدام اتشرخ الفوانيس بصت لتحت وزعلانه :(
الشاسيه من قدام ورق ودخل لجوا شويه والرادرياتر نزل كل المايه اللى جواه وكانت بتنزل من تحت ما عرفتش اوصل للى حصله بس تقريبآ يا اتشرى يا ماسوره وقعت منه
وانا رجعت بالعربيه سايقها بعد ما زودت مايه وكترت المايه فى القربه بس الغريبه ان العربيه ما سخنتش مع ان الطريق كان زحمه مسافه حوالى 20 كيلو

كانت واصله لحد النص بس

بس حسيت اوى النهارده ان العربيه ورق

إنا لله وإنا اليه راجعون

احلى حاجه ان الحاج لما شافنى ما سئلنيش انتا كويس ولا لا قالى خسرت حاجه فى العربيه

يلا ربنا يسامحه

رد: عملت حادثه وحسبى الله ونعم الوكيل
 

ربنا يعوض عليك وحمداً لله على سلامتك اهم حاجة
بس انت بردو متجريش بسرعة كدا عشان لو اللى ادامك حمار يروح هو فى نصيبه ملكش دعوة بيه

ياخد غرزة بقى , يقف مرة واحدة ,بلاش تكبس انت

على كل حال حمداً لله على سلامتك بس انت نسيت تقولنا نوع العربية الورق دى ايه ؟

رد: عملت حادثه وحسبى الله ونعم الوكيل
 

ربنا يكرمك قدر الله وما شاء فعل
مازدا 121
اللى هيجننى ليه العربيه ما اخدتش الغرزه مع انى لفيت الدركسيون جامد
والفرامل زحلقت العربيه بشكل غير عادى

واللى هجننى اكتر فى عربيه ورق بالشكل ده

رد: عملت حادثه وحسبى الله ونعم الوكيل
 

احمد ربنا يمكن لو كانت خدت الغرزة كان زمان حد جاى من وراك بسرعته وطيرك
قدر الله ماشاء فعل

عربية ورق بقى والله كل واحد على اد امكانياته , لو ربنا يكرمك وتقدر تبيعها وتجيب حاجة تانية يبقى احسن لك طبعاً

رد: عملت حادثه وحسبى الله ونعم الوكيل
 

ربنا يعوض عليك وحمداً لله على سلامتك