مصر موتورز مجتمع السيارات - طريقة تشحيم كاوتش الفليشيا

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - طريقة تشحيم كاوتش الفليشيا (https://www.masrmotors.com/vb/showthread.php?t=106606)

طريقة تشحيم كاوتش الفليشيا

السلام عليكم ورحمة الله وبركاتة

زي ماهو واضح من العنوان

عربيتي فليشيا 96 معاسا بقالها حوالي 8 شهور
وكنت عاوز أشحم الكاوتشات بتاعتها ياتري بتتشحم ازاي
وياتري هيا زي العربيات الحديثة مش بتتشحم

ياريت أستفيد من خبرات الاعضاء

وكمان ليا استفسار بسيط
امبارح لاحظت وجود شرخ بسيط بزجاج السيارة الامامي قدام كرسي السائق فى بداية الزجاج من اسفل
الشرخ مش باين ولا عامل مشكلة بس انا خايف الشرخ دة يزيد مع الوقت
ياتري فية طريقة للحام الازاز ولا أغيرة مع العلم الزجاج اللي راكب دة أصلي وعلية علامة سكودا
بس أنا خايف يتكسر على فجاة وانا ماشي
ياتري تنصحوني بأية وهل الشرخ دة ممكن يزيد مع الوقت منتظر ردودكم

رد: طريقة تشحيم كاوتش الفليشيا

الشرخ بيزيد مع الوقت طبعا لكثرة المطبات
وحلة تروح لبتاع زجاج كويس يعالج الشرخ

اما بخصوص تشحيم الكاوتشات
بصراحة مش فاهمة اوى
لكن عشان ما ارهقكش
الاماكن اللى بيكون او بتحتاج فيها للشحم
هى علبة الدركسيون
بس العلبة عليها كاوتشة اسمها كاوتشة مزيكا وعليها قفزين
طب نشحهمهم ازاى
استاذنا CARSADMIRE قلنا على طريقة لتشحيمها وهى بسرنجة تتملى زيت وتدخل من القفيز البلاستيك ونشحم ما تحت كاوتش المزيكا
وبارات الطرف ممكن تتغسل بجاز
وبيض لامقصات كذلك