ماحدش شاف الماده بتاعت الكاوتش فى دوس بنزين
 

السلام عليكم

شباب ماحدش شاف الماده بتاعت الكاوتش اللى فى برنامج دوس بنزين امبارح ؟

الماده بتتحط جوا الكاوتش بتخليه ما يفرقعش عامله زى الغراء كده

بس ماحدش يعرف نعمل الموضوع ده فى اسكندريه ازاى ويتكلف كام؟

رد: ماحدش شاف الماده بتاعت الكاوتش فى دوس بنزين
 

رد: ماحدش شاف الماده بتاعت الكاوتش فى دوس بنزين
 

معلش بس هى التانيه كانت مكنه اللى بتعمل كده كانت بتسيح الماده اللى زى الغراء دى وبتفرشها على الكاوتش من جوا

تانى حاجه بقى الله يكرمك بما ان البرنامج طلع فاشل وما جبش تفاصيل عن الاسعار ولا الاماكن اللى يتعمل فيها كده

هل الماده اللى حضرتك حطيتها دى تكفى كام فرده كاوتش ولا فرده واحده ؟
وهل لها اثار جانبيه وما هى طريقة حمايتها وهل لديك فكرة عند طريقة التنفيذ ؟

رد: ماحدش شاف الماده بتاعت الكاوتش فى دوس بنزين
 

الإزازة لفردة واحدة فقط
بتفضى الفردة من الهوا وتفك غطا البلف وتركب الخرطوم وتفتح لحد ما الفردة تملا
لكن افضل انك تخليها فى شنطة العربية لما الفردة تنام أحسن
بتتباع فى التوفيقية فى شارع زكى
ومالهاش اى اثار جانبية واول ما الفردة بتتخرم بتلحم نفسها تلقائيا

رد: ماحدش شاف الماده بتاعت الكاوتش فى دوس بنزين
 

فكره جامده فعلآ انى اخليها فى شنطه العربيه وممكن اعمل حسابى فى اتنين علشان لا قدر الله الفردتين يتخرمو
زى رأس السنه كنت ماشى الفرده التيوبلس بقى بعوامه :S

المهم جزاك الله كل خير
بس اخر سؤال هل تمشى معايا لو الفرده على عوامه ؟
والماده دى بتفضل شغاله قد ايه ؟
يعنى هل الماده بعد ما تتحط بتحمى فارده الكاوتش من انها تنام بعد كده ؟
انا هحاول اشوفها فى اسكندريه لانى مش هقدر اسافر علشان اجيبها وارجع بصراحه :D