|
بسم الله الرحمن الرحيم
وبه نستعين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين وارضى اللهم عنا معهم أجمعين اللهم آمين اما بعد اخواني الكرام .. """""""""""""""""""" لا لجنسنة السيارات """"""""""""""""" عنوان غريب شوية مش كده ؟! شوف يا سيدي الموضوع وما فيه ان فيه حاجه بيقع فيها كتير مننا وهي التعميم يعني مثلا واحد نزل بلد وليكن الصين مثلا راح عمنا الصين يشتري لوط موبايلات واخد معاه محفظه معمره ما شاء الله بالدولارات عشان مصاريف الرحله قام ايه ؟ قام واقع في الواد ملقاط الصيني لقط منه المحفظه المتعمرة فوجيء اخينا ان المحفظة في خبر كان رجع اخينا مصرنا الغالية يقول لكل اللي يقابله ان الصينيين دول كلهم حرامية ولاد ستين تييييييييييييت ليه يا عمنا بتقول كده على الصينيين دول مليار واكتر معقوله كلهم حرامية ولاد ستين تييييييييييت أيون كلهم حرامية هو ده يا اخوانا التعميم المرفوض لما تلاقي واحد بيقول لك ابعد عن العربيات الصيني اعرف انه بيعمم تعميم مرفوض لما تلاقي واحد بيقول لك العربيات الكوري او الياباني افضل من العربيات الصيني اعرف انه بيعمم تعميم مرفوض يعني العربية الماروتي مثلا مش عربيه ياباني ثمنها 39 الف جنيه ومش فيها اي اوبشن نهائي و800 سي سي ينفع اقارنها بعربية ب 75 الف جنيه او ب 100 الف جنيه صيني و 1600سي سي وبها كل الاوبشن اللى في العربيات الحديثة طبعا مينفعش ولن يشفع للماروتي مع احترامنا لها ولمالكيها انها ياباني حين نقارنها بعربية تانيه صيني مثل الاسبيرانزا A113أو M11 او 516 او التيجو او البي واي دي او الايمجراند هل الصين بها سيارات سيئة؟ نعم ولكن بها ايضا سيارات اخرى محترمة جدا واثبتت انها افضل من سيارات اخرى منتشره ولها اسم في السوق ارجوا من كل العقلاء ان يكفوا عن مقولة هذه سيارة صيني وهذه كوري وهذه ياباني ودعونا نزن السيارة بكفائتها واعتماديتها وسعرها والاوبشن الموجود بها . |
رد: حملة لا لجنسنة السيارات
:Wkiss5::Wkiss5::Wkiss5: |
رد: حملة لا لجنسنة السيارات
كلام سليم ..والحقيقة انا مريت بتجربة زى دى لما كنت فى السعودية ..لاقيت ان كتير من السعوديين( اللى قابلتهم علشان برضة بلاش التعميم ) فاكرين مصر كلها زى كازينوهات شارع الهرم زمان(رقاصات وهلس ) طبعا لأنهم ما بيشوفوش غير الأفلام المصرية الهلس والأعلام الخاطئ اللى مابيجبوش غير بعض المصريين المتهتكين اللى بيتكلموا فى شئون مصر واهلها علشان يخدموا مآربهم الدنيئة:fun_36_3_11[1]:
|
رد: حملة لا لجنسنة السيارات
كلام سليم واللة العقدة عندنا هي الي بتسيرنا اي بتمشينا عندنا عقدة من الصيني نبقي خايفين من الصيني مع انه لو جربتة زي الفل عندنا عقدة من الكوري نبقي خايفين منة مع ان بلدنا ملايانة بعربيات كوري احنا نبص علي العربية اوبشن وخامات وقوة تحملها ف الشارع المصري الي بعتباره اسوء شوارع العالم من ناحية رداءة الطرق عندنا بلاش نقول دي كذا ودي كذا نبص علي العربية نفسها وبلاش نحط ف اعتقادنا دايما ان الياباني يالهويييييييي مفيش احسن منة لا الدول الصغيرة بتتطور علشان تبقي احسن من اللي سبقوها ف التصنيع والاخر دي أراء كل يغني علي ليلاة حسب مابيتسريح
|
رد: حملة لا لجنسنة السيارات
ياباشا فى الفاضى والله ... احنا شعب عندة عقدة نفسية وللاسف احنا الى جايبنة لنفسنا
يعنى ممكن تلاقى عربية مركبة سبويلر ب 1000 جنية وسعرها ينزل 2000 علشان اتخرم فى الشنطة وركبلها اسبويلر ممكن تلاقى عربية فبريكا بوهيتها مش باينة اساسا من كتر ما اتاكلت ويبقى سعرها اغلى من عربية تانى كان فيها تجاريح واللبش بتاع الشارع بتاعنا واترش رشة نضيفة وبقى شكلها عروسة بجد احنا معقدين نفسيا :THE_PR~18: |
| الساعة الآن 08:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017