ملاحظات على لانوس 2013 بعد تجربتها اول 150 كم
 

السلام عليكم ورحمة الله وبركاته
تم بحمد الله استلام لانوس 2013 المهم نخش فى الموضوع
1- اول مستلمنا لقينا علامه فى الطابلوه منوره مكتوب عليها Check منوره اصفر معرفش ليه داحنا لسه بنقول يا هادى المهم الراجل بتاع المعرض قالى انها يومين وهتمشى دى بس عشان جديده معرفش دا ايه الحكايه ممكن تكون عايزا زيت مثلا

2- العربيه كانت عاملا 6 كم بس هل هما مجربوهاش كتير يعنى فى المصنع عشان 6 كم دا اعتقد قليل انا قبل كده كنت مستلم لوجان كانت عاملا حاجه و30 كم لما استلمناها

3- تلاقى الفتيس بيونتر فى الغيارين الاول والتانى لما الواحد بدوس بنزين ويسيب تلاقيه الفتيس بيلعب كمان انا حاسس ان الفتيس خشن شويه اخشن من اللوجان

4- السنتر لوك مفروض السنتر لوك لما الواحد يطلع بالعربيه يعمل لوك لوحده مع اول ضربه فرامل او بعد متمشى بالعربيه شويه بسيطه المهم دا مفهوش الحته دى ممكن يكون هو دا العيب وعشان كده اللمبه الصفرا اللى فى التابلوه بتنور يمكن عايز حد يدلنى

5- العربيه اعتقد انهم علوها شويه لاننا كنا 5 فى العربيه ومكنتش بتحك فى المطبات زى مالكل كان بيقول

6- بالنسبه لإستهلاك البنزين العربيه ف 155 كم استهلكت 12 لتر دا كويس ولا ايه النظام

7- توكيل رخم صراحه يعنى مكنوش قادرين يحطوا جهاز تسجيل فى فتحة USB
فعلا منصور دا تنح اوى ربنا يهديه

8- العريه مفهاش اريل للراديو بل بدلوه بحاجه بيقولو انها جوه الزجاج الورانى زى الشبكه موجوده جو القزاز معرفش دا صح ولا الراجل بتاع المعرض بيسرح بيا

ياريت حد يفيدنا خاصه فى موضوع اللمبه اللى فى التبلوه دى وهل هيا فعلا عشان جديده وبتلين كلام مش داخل دماغى

رد: ملاحظات على لانوس 2013 بعد تجربتها اول 150 كم
 

لو لسة منورة دور العربية وطيارة علي اقرب توكيل
اللمبة دي للاعطال يا باشا ومفيش حاجة اسمها لسة العربية جديدة
:140109~347:وربنا يباركلك فيها:140109~347:

رد: ملاحظات على لانوس 2013 بعد تجربتها اول 150 كم
 

انا لسه عايز اروح التوكيل عشان اعرف مواعيد الصيانه واخد الضمان واعرف اقرب وكيل صيانه

رد: ملاحظات على لانوس 2013 بعد تجربتها اول 150 كم
 

رد: ملاحظات على لانوس 2013 بعد تجربتها اول 150 كم