تعبان نفسياً من الميجان
 

السلام عليكم جميعاً
هذة اول مشاركة لي في المنتدى بعد ان اشتريت ميجان 2005 واحسست ان هناك فارق كبير بين سيارتي الاوبترا والميجان لصالح الاوبترا بالطبع
لقد اقتنعت بالميجان بعد قراأتي عنها في منتداكم هذا ولكن بعد ان اشتريتها احسست بعدم الراحة النفسية لاني لم اكشف عليها واعتمدت على احد الاشخاص المفروض فيهم الخبرة في تلك الامور وندمت لعدم الكشف عليها للاسباب التالية
1- جميع الابواب تصدر اصوات كما لو كانت غير مغلقة جيداً
2- يوجد صوت طقة يُسمع من الخلف في الناحية الشمال
3- لون السيارة باهت الى حد كبير
4- الكارت الثاني لا يعمل
5- تسارع السيارة بطئ
6- ال سي دي بة احد السيديهات محشور بها ولا يريد ان يخرج
ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام سعلوا جدا ثم تبدأ السيارة في زيادة السرعه حتى تصل الى سرعة 130 كم س فقط وعندما تعود السرعة الى اقل من 110 ك س تعود الى وضعها السابق في عدم زيادة السرعة عن 110
فرجاء الى اهل الخبرة افيدوني عن السبب وكيفية العلاج حيث اصبط باحباط شديد
ولكل اعضاء المنتدى وافر التحية والشكر

رد: تعبان نفسياً من الميجان
 

للاسف محدش هايقدر يفيدك
العربية دى ابوها التوكيل
ااى اجتهاد من اى شخص مش هياتى بثمارة
كانت معايا لمدة 3 شهور جربتها وبعتها لانى مش متعود على التوكيلات وفعلا عربية بتدلع على صاحبها

رد: تعبان نفسياً من الميجان
 

حضرتك كنت مفروض تكشف عليها
ممكن حضرتك تنزل الحرفيين فى ناس كتير متخخصه فيها زى احمد العسكرى
حضرتك غيرتلها فلاتر وسيور وزيت وبوجيهات وكده اول مجبتها عشان ممكن الحاجات ديه محتاجه تتغير وساعتها هتلاقى السحب فرق معاك
وموضوع السى دى ده سهل هتلاقى ناس بتفهم فيه كتير ده تسجيل فى الاخر

رد: تعبان نفسياً من الميجان
 

اقتباس:

المشاركة الأصلية كتبت بواسطة ashraf2 (المشاركة 821057) السلام عليكم جميعاً

التخبيط ورا بسبب مساعد بايظ وسوست ضعيفة او بطاحة
كاوتش الأبواب عند الصباحى فى الظاهر
الموتور لازم يدخل صيانة كاملة تغيير كويلات وبوجيهات ولازم تغير زيت الفتيس بالفلتر بتاعه
وطبعا اللون اكلح بسبب انها مارشيتش دواخل ولا نضافة
الكارت فى التوكيل
واى مشكلة فى الكهربا تتعمل فى التوكيل

كلم الميكانيكيون العرب على الرقم ده واستفسر
انا اتعاملت معاهم قبل كده فى عربية عمى ، الصراحة محترمين جدا وأسعارهم معقوله اوى وضمان احسن من الكبابجية بتوع المراكز
01111080888

رد: تعبان نفسياً من الميجان
 

شكراً mr_astra :shyy:

ahmed_zamalek7
حضرتك كنت مفروض تكشف عليها
ممكن حضرتك تنزل الحرفيين فى ناس كتير متخخصه فيها زى احمد العسكرى
حضرتك غيرتلها فلاتر وسيور وزيت وبوجيهات وكده اول مجبتها عشان ممكن الحاجات ديه محتاجه تتغير وساعتها هتلاقى السحب فرق معاك
وموضوع السى دى ده سهل هتلاقى ناس بتفهم فيه كتير ده تسجيل فى الاخر

يااااخبر ! لا مغيرتش اي حاجة

Hisham.Elgazzar
التخبيط ورا بسبب مساعد بايظ وسوست ضعيفة او بطاحة
كاوتش الأبواب عند الصباحى فى الظاهر
الموتور لازم يدخل صيانة كاملة تغيير كويلات وبوجيهات ولازم تغير زيت الفتيس بالفلتر بتاعه
وطبعا اللون اكلح بسبب انها مارشيتش دواخل ولا نضافة
الكارت فى التوكيل

لسة حدخل في تكاليف تاني ؟
واضح ان الموضوع كبير
عموماً شاكر لكل من اهتم ورد واعانني الله عليها وعلى مصاريفها