|
كشافات زينووووون
السلام عليكم ورحمه الله صباح / مساء الفل ياجماعه من يومين وانا ماشى على الطريق الفوانيس بتاعتى نفختنى والله عنيا باظت كأنى كنت مولع شمعه مش فوانيس عربيه واللى زاد الهم ان الدنيا مطرت كمان لدرجه انى والله كان نفسى اشغل اغنيه قوم ولعلك شمعه علشان تمشى مع المود بس هى اساسا مش على الفلاشه :joy23: ,,, ماعلينا بعد اليوم الاسود دا وانا قررت اركب زينون انا عربيتى TOYOTA COROLLA 97 عايز اهل الخبره يفيدونى افضل انواع الزينون فى مصر والاسعار طبعا الزينون لازم يركبله كتاوت وهل الزينون الواطى بيعمى اللى قدامى ولا لأ ولا اكرب زينون عالى بس علشان اللجان وكدا من الاخر انا عايز كل حاجه عن الزينون منتظر التفاعل تقبلوا تحياتى |
رد: كشافات زينووووون
بص يا اخى علشان منكدبس على بعض اغلب اللى فى السوق صينى ولو لقيت اصلى هيبقى عدى ال 2000 جنية فعموما انا شايف الافضل تشترى زينون نوع HID ماركة صينى محترم واهم حاجه خاللى بالك من اللى جاى تشترى درجة الاضاءة بتاعته 6000 لان هى ديه اللون الابيض الصافى لو قالك 8000 احلى وكدا يبقى بيضحك عليك لان ال 8000 لونه بنفسجى المهم يعنى هتجيب زينون درجتة 6000 ولازم لازم لازم لازم تجيبه بضمان لازم بضمان متجيبش زينون من غير ضمان وانا شايف لو قضى سنه معاك يبقى زى الفل اووووى كفاية انه هيخليلك الشارع ضهر وعينك مش هتتعب بعد كدا و كمان انا عن نفسى لو هجيب زينون هجيبه عالى بس علشان اللجان وكدا يبقى الوطى لمبة صفرا عادى والعالى زينون اما بالنسبه لان الزينون يضرب فى وش اللى جاى قدامك فده بقى على حسب ظبط فوانيسك انت ممكن تظبتهم على الارض وممكن تظبطهم عاللين على حسب ظبت الفوانيس |
رد: كشافات زينووووون
الف شكر استاذ سيد
بس حضرتك ماقولتليش ال HID 6000 دا سعره كام تقريبا وهيركب على كورولا 97 ولا لأ |
رد: كشافات زينووووون
بيبدأ من 250 ونتا طالع
والعالى والواطى بيبدأ من 400 ولو معندكش كتاوت خارجى ركب كتاوت ميكسو هيبقى زى الفل |
رد: كشافات زينووووون
اخي و لاحظ ان الزينون كام تكة يعني عالي و واطي و نور صغير بيكون اغلي من تكة وحدة اعلي حاجة 3 تكات شكرااا
|
| الساعة الآن 12:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017