مصر موتورز مجتمع السيارات - هام جدا لملاك لادا سماره 2115 الشكل الحديث

بعد السلام والتحية لحضراتكم ارجو قراءة هذه التجربة مع هذه السيارة
انا قمت بشراءها من حوالى 4 سنوات ب 29000 جنيه عجبنى شكلها الجديد المعدل عن الادا العادية , العربية من الاخر كانت فاتحه معايا على الاخر تقريبا غيرت كل حاجه فيها لدرجة انى كرهت العربيات وطبعا المككانيكا كانو عامل اساسى فى هذه المعاناه لان البشوات مبيحبوش يشتغلو فيها , اسف للاطالة بس انا حقلوكم انا عملت فيها ايه لحد مابقت كويسة معايا :
1- طقم المساعدين روسى اصلى 400 جنيه
2- الموتور يتعها هوهو بتاع السماره القديم 1500 بس مختلف فى الانجيكشن
3- سير الكاتينة اكتشفت انه بتاع الانوس
4- البوبينة بتاعتها الاصللى 900 جنيه بس بوبينة الانوس الالكترونى بتركب عليها
300 جنيه
5- رمان بلى العجل بردوبتاع الانوس
6- حساس اصلانسيه 150 جنيه
7- حساس الحراره 50 جنيه
8- اغلى حساس هو اير ماس انا جبتوه 500 جنيه بس سالت عليه بعد كده لاقيته 350
9- ذراع الاشاره 60 جنيه
10 - بليه شداد الكاتينه الاصلى 150 جنيه
11- اسطوانه روسى اصلى 90 جنيه
12- ديسك سماره اصلى 165 جنيه
13- المارش باظ منى جبته من وكالة البلح ( الحرامية ) استعمال 350 جنيه باظ بعد شهرين بس غيرتلوه ترس البدكس 50 جنيه بس دوخت عليه شويه

بخصوص الحراره , طبعا العربيه روسى مش متعدله فكانت بتسخن فغيرتلها رلدياتير 3 ماسور نحاس ب 400 جنيه بس الحراره بردوه ماكنتش ماظبوطه فرحت عند الميكانيكى يتاعى فى اسكندرية فلغالى ترموستات كوعة المياه بات الحراره زى الفل ده مع اضافة ترموستات ردياتير 70-80 فى الصيف وفى الشتاء 80-90 عشان العربية متقطعشى منك من التبريد الزياده .

بخصوص محلات قطع الغيار فى اسكندرية , احسن واحد هو البلغارى فى الساعة هو
عنده الحجات الاساسية والحساسات بس الفوانيس والحاجات اللى باره ديه فى صلاح الدين واسمع انها غالية ربنا يبعدنا عنها .

برده التوفيقية فى القاهره فيها حاجتها .

يارب اكون مانسيتشى حاجة اقوهالكم عشان ماتمروش باللى انا شوفتوه وبعد كل ده انا كل صحابى بيقولوى بعها بس انا صعبان عليا الفلوس اللى اتصرفت